Rêbwar Taha: Kiryarên artêşê li Kerkûkê neqanûnî ne

Kurdistan 03:46 PM - 2024-01-06

Civîna çapemeniyê ya hevpeymaniya Kerkûkê Hêz û Îradeya me ye

Endamên serkeftî yên hevpeymaniya Kerkûkê li ser pirsgirêka taxa Newrozê ya Kerkûkê lêkolînan dikin û ragihandin:  “Em piştgiriya welatiyên taxa Newrozê dikin û kiryarên leşkeran ên li taxê ji bo şêniyan neqanûnî û tirsnak e, ji ber ku ne karê artêşê ye ku biçin taxan.’’

Berê jî hewldanên valakirina taxê hatibûn kirin

Endamê serkeftî yê Fraksiyona YNKê li Encumena Parêzgeha Kerkûkê Rêbwar Taha di civîneke rojnamevaniyê de ku bi amadebûna endamên hevpeymaniya Kerkûk hêz û Îradeya me ye, got: ““Em bi hevalên xwe yên hevpeymaniya Kerkûkê re kar dikin ku piştgiriya xwe ji şêniyên taxa Newrozê re ragihînin û peyama Aso Mamend ya  piştgiriya wan dubare dikin .’’ “Berê gelek hewlên valakirina Kurdan ji van deveran hatibûn kirin, di sala 2019an de tenê 24 saet mabûn ku malên xwe vala bikin, lê me ew plan têk bir û  em dixwazin behsa belgeyan bikin ji ber ku kiryarên artêşê li vir neqanûnî ne û niştecihên vê taxê ditirsînin, ji ber ku ne karê artêşê ye ku biçin taxan."Rêbwar Taha got.

Delîl dibêjin tax ne milkê Wezareta Parastinê ye

Rêbwar Taha got:“Di sala 2020an de Sekreterê Giştî yê Encumena Wezîrên Iraqê komîteyek taybet li ser hemû milkên Wezareta Berevaniyê pêk anî, di wê komîteyê de wezaretên Dad, Çandinî, Nûavakirin û Niştecihkirin, Darayî û Berevaniyê jî hebûn ,di hemû mal û milkên ku komîteyên ji bo bicihkirina wan hatibûn wezîfedarkirin de behsa taxa Newrozê nehatbû kirin.’’
“Piştî çend mehan komîteyê biryar da ku hemû cîhên Wezareta Berevaniya Iraqê vegerînin lê behsa taxa Newrozê li ser nîne û Nivîsîngeha Tomarkirina Emlakên Kerkûkê jî taxa Newrozê bi belge dike û dibêje ev tax girêdayî Wezareta Darayî û Aborî, Wezareta Şaredariyan û çend kesayetiyên din ên Kerkûkê ye ku di wê demê de xwediyê çend deverên Kerkûkê bûn.’’ Taha got.

Gel birayên ereb, tirkmen û mesîhî yên di emê kar bikin

Her wiha got:"Tişta ku li Kerkûk û taxa Newrozê diqewime ew e ku çavê wan li milkê vê herêmê ye. Lê mixabin diviyabû artêş bi vî rengî destwerdan nekira, ji ber ku saziyên dewletê, dadgeh û polîs hene.’’
Wî zêde kir:’’Di rojên bê de emê li gel birayên ereb, tirkmen û mesîhî yên di encumena parêzgeha Kerkûkê de kar bikin û divê em vê pirsgirêkê çareser bikin, ji ber ku erkê encumena bajêr e ku vê pirsgirêkê çareser bike. Em dikarin tedbîrên din jî bigirin, lê ji bo me parastina ewlehiya Kerkûkê girîng e.”
Roja Pêncşemê 4-1-2023, hêzên artêşa Iraqê êrişî taxa Newroz a bajarê Kerkûkê kirin û çend rûniştvanên wê taxê girtin û piştre jî bi hewlên Aso Mamend û fermandeyê polîsê Kerkûkê ew hemwelatî serbest berdan.
PUKMEDIA