Talebanî: Ji bo sererastkirina yasaya bûdceya Iraqê hewldanên cidî hene

PUKMEDIA

Qubad Talabanû û heyetekî NY

Cîgirê Serokwezîr Qubad Talebanî bi heyetek Neteweyên Yekbûyî  bi serokatiya  Claudio Cordon, cîgirê Nûnerê Taybet yê Sekreterê Giştî yê Iraqê re hevdîtin pêk anî û  li ser gelek pirsgirêkên berjewendiya hevbeş nîqaş kirin.
Mijara sereke ya civînê roja sêşemê (09.01.2024) li Hewlêrê hat lidarxistin ku  Cîgirê Berpirsê Fermangeha Peywendiyên Derve ya Herêma Kurdistanê Daban Şadala jî amede bû , behsa çawaniya çareser kirina pirsgirêkên di navbera Herêma Kurdistanê û Bexdayê de hate kirin û di nava wan de pirsa bûdce jî hate kirin.
Di vê derbarê de Qubad Talebanî guhertinên dawî ji heyeta mêvan re eşkere kir û got; Şanda hikûmeta Herêma Kurdistanê di serdana xwe ya dawî ya bo Bexdayê de bi aliyên pêwendîdar ên hikûmeta federal re gotûbêjên baş û erênî pêk anîne û ji bo sererastkirina yasaya bûdceyê hewlên cidî hene.
Got jî : Di vê qonaxê de, divê hikûmeta Herêma Kurdistanê û hemû aliyên Kurdistanî gotûbêjên cidî li gel aliyên Iraqî û fraksyonên cuda yên parlamentoya Iraqê bikin ku  yasaya bûdceyê bi awayekî biguherîne ku pirsgirêka mûçe û bûdceya herêmê bi temamî were çareserkirin.’’
Di beşeke din ya civînê de, hilbijartinên encumenên parêzgehan û çawaniya pêkanîna hikûmetên xwecihî hatin gotûbêjkirin. Di vê derbarê de Cîgirê Serokwezîr tekez kir ku; Di pêvajoya avakirina rêveberiyên herêmî yên li gorî encamên hilbijartinê de divê rêz li deng û îradeya gel bê girtin û ji bo biçûkxistina ti partî û civakekê hewl neyê dayîn.
Di derbarê hilbijartinên parlementoya Kurdistanê de jî Cîgirê Serokwezîrê Kurdistanê bal kişand li ser wê yekê ku pêwîste helbijartin bi awayeke pak û dadperwerane were encamdan ku  her kesî razî be û mafê hemû aliyek û pêkhatan de were parastin.
Di hevdîtinê de pêşhatên navçeyê û rewşa siyasî ya Iraqê jî hatin gotûbêjkirin. Her du alî hevdeng bûn ku aliyên iraqî hestiyariya rewşê li ber çavan bigirin û siyaseteke jîrane bigrin û xwe ji her helwest û pêngaveke ku gefê li aramiya Iraq û Herêma Kurdistanê bike dûr bixin.
PUKMEDIA