Talebanî ji şandeke hevpeymaniyê re: Reforma Pêşmerge berdewam e

PUKMEDIA

Talebanî û şandeke hevpeymanan

Cîgirê Serokwezîr Qubad Talebanî li Hewlêr  pêşwaziya şandeke pilebilind a hêzên hevpeymaniya navdewletî bi serokatiya Fermandeyê Giştî yê Hêzên Hevpeymanan li Îraq û Sûriyeyê General Joel Vowell re kir ,di hevdîtinê de rewşa ewlekariya Iraq, Herêma Kurdistanê û navçeyê hat gotûbêjkirin.
Civîna êvariya roja sêşemê (09.01.2024) li bajarê Hewlêrê bi amadebûna Wezîrê Pêşmerge Şoreş Îsmaîl, Cîgirê Berpirsê Fermangeha Peywendiyên Derve Daban Şadala û Konsulê Giştî yê Amerîka li Herêma Kurdistanê hat lidarxistin. Piştî guftûgokirina pêşhatên dawî yên emnî yên navçeyê, her du alî li ser pêwîstiya hemahengî û hevkariya di navbera hêzên Pêşmerge û hêzên Iraqî yên li gel hevpeymanan ji bo parastina aramiya Iraq û Herêma Kurdistanê hemfikir bûn.
Li beşekî dinê vê hevdîtinê de gefên komên terorîst hatin gotûbêjkirin ku, zêdebûna alozî û nearamiyê derfeta zêdetir bo tevgera grûpên terorîstî dide, ji ber vê yekê tekez li ser wê yekê hat kirin ku lazime aliyên siyasî hesasiyeta rewşê li ber çavan bigirin û siyaseteke biaqilane ji bo xwe dûr xin ji her helwesteke ku zirarê dide aramiya Iraq û navçeyê.
Di civînê de behsa çaksaziyên Wezareta Pêşmerge jî hat kirin, di vê derbarê de Cîgirê Serokwezîr tekez li ser berdewamiya proseya çaksaziyê di nav hêzên Pêşmerge de weke ku hatiye plankirin berdewam be.
PUKMEDIA