Ragihandina YNKê sibê duyemîn konferansa xwe li dar dixe

Kurdistan 07:49 PM - 2024-01-10

Ragihandina YNKê

Biryar e roja pêncşemê Ragihandina  Yekîtiya Niştimanî ya Kurdistanê (YNK) duyemîn konferansa xwe lidar bixe,di vê derbarê de berpirsê bordê Ragihandin got: “Konferans ne tenê cîbicîkirina yek ji pêşniyarên kongreya pêncem e, belku guhertina pêkhateya desteya ragihandinê û danîna siyaseteke nû ji bo peyama medyayî ya YNKê ye’’

Konferansa YNK’ê ji bo ragihandina xwe

Berpirsê Desteya Ragihandinê ya Yekîtiya Niştimanî ya Kurdistanê (YNK) Letîf Nêrweyî ji PUKMEDIA re ragihand: “Sibe 11-1-2024, duyemîn konferansa Ragihandina  YNK’ê ye ku em dikarin bêjin konferansa YNK’ê ye ji bo medyaya YNK’ê, ji ber ku li ser asta hemû organ û navçeyên Herêma Kurdistanê û navçeyên nakok, dê li Silêmaniyê dest pê dike.’’
“Konferans bi beşdariya hejmareke zêde ji rewşenbîr, rojnamevan, serokên beşên medyayê, nûnerên çavkaniyên medyayê, mamosteyên zanîngehê û hemû kesên ku ji têkoşîna çiyayî û vir ve di çapemeniyê de xebitîne beşdar bibin.Di konferansê de dê nêzîkî 350 endam beşdar bibin, tevî hejmarek akademîsyenên din ên hilbijartî ku 40 kes di nav de ne û hejmareke zêde ji endamên mekteba siyasî, serkirdayetî û wezîrên rewşenbîrî û parêzgarê Silêmaniyê dê beşdarî konferansê bibin," Letîf Nêrweyî got.

Dê peyama Serok Bafil  were xwendin

Serokê desteya Ragihandinê ya Yekîtiya Niştimani ya Kurdistanê (YNK) ragihand: Peyama  Serokê Yekîtiya Niştimanî ya Kurdistanê (YNK) Bafill Celal Talebanî wê were xwendin.Endamê Mekteba Siyasî û Berpirsê Buroya Ragihandinê Îmad Ehmed dê axaftina Buroyê bixwîne û piştre min  jî rapora giştî ya Desteya Ragihandinê pêşkêş dikim.
Wî ragihand ku :“Di konferansa sibe de wê 5 komîteyên ku hatine erkdarkirin bo birêveçûnê kar pêk bînin, konferans dê du rojan bidome.’’

Armancê Konferansê

“Armanca konferansê cîbicîkirina pêşniyarên din ên kongreya pêncemîn a YNKê û rêkxistina pêkhateya desteya ragihandinê û danîna siyaseteke nû ya peyama medyayî ya YNKê ye û herwiha destnîşankirina çend pêşniyaran li ser başkirina medyayê ye.Piştre jî pêşniyaran arasteyî Serok Bafil û Mekteba Siyasî dikin, em piştrast in ku ew pêşniyar dê bi awayekî ku xizmeta ragihandinê bike û hinek kêmasiyên di medyayê de bên çareserkirin û zêdetir pêşde bibin.”Her wiha got
Berpirsê desteya ragihandinê ya Yekîtiya Niştimani ya Kurdistanê (YNK) got:"Mijarên girêdayî pêkhatê Mediya, ku girêdayî rêzikên karê medyayê jî ne bên axaftin, em pêşniyar dikin ku medyaya YNKê ber bi sazîbûnê ve biçe û kenalên karê medyayê jî wek stûnek be, helbet dê ev mijar bên gotûbêjkirin li ser biryar bê dayîn.’’
PUKMEDIA