Serokkomar: Em rola şehîd Mihrab û Serok Mam Celal bilind dinirxînin

Buroya Çapemeniyê ya Serokomariyê

Serokkomar

Serokomarê Iraqê Letîf Cemal Reşîd, Serokê Yekîtiya Niştimanî ya Kurdistanê (YNK) Bafil Celal Talebanî û Cîgirê Serokwezîr Qubad Talebanî li Bexdayê beşdarî merasîma şînê ya ji bo bîranîna şehîdbûna Mihemed Baqir Hekîm, rêberê berê yê Tevgera Hikme ya Nîştimanî ya Iraqê û bavê Emmar Hekîm  bûn ku hevdem e bi roja “Şehîdên Îraqê” re.
Di merasima han de Serokkomar  gotarek pêşkêş kir û tê de pesna rola şehîd Mihrabî di şerê li dijî dîktatoriyê de da  û hevkarî kirina bi Serokê nemir Mam Celal û serkirdeyên hêzên niştimanî de ji bo bihêzkirina hewlên yekxistina opozîsyona Îraqê  ku di rewşa dîrokî ya dijwar de bû, kir.
Wî got: "Em ligel gel, hikûmet, hêzên siyasî û hêzên çekdar, serkeftineke berçav li dijî terorê bi dest dixin û hawîrdoreke niştimanî ya yekgirtî ku ji gelek pirsgirêkan derbas dibe, bi dest dixin." Ji bo rakirina hemû astengiyan, zêdekirina ewlehî , aramiyê , berdewamkirina hewlên ji bo avadankirin û pêşketinê li Iraqê pêwîstî bi hewlên zêde heye.’’
Serokkomar her wiha balkişand li ser pirsgirêkên  ku metirsiyê li ser ewlehî , aramiya navçeyê dike û tekezî li ser pêgeh û rola Iraqê li dabînkirina ewlehî , aramiyê û pêşxistina zimanê gotûbêj û têgihîştinê kir.
…
Seyîd Mihemed Baqir El-Hekîm, lêveger û siyasetmedarekî navdar ê Şîe li Iraqê bû. Di 29’ê Tebaxa 2003’an (1ê meha Recep a Koçî) de piştî pêşkêşkirina gotarekê li Mezargeha Îmam Elî ya Necefê, bi riya teqandina otomobîleke bombebarkirî hat terorkirin.
Mihemed Baqir Hekîm yek ji lêvegerên bilind ên Şîe yên Iraqê û damezrênerê Encûmena Bilind a Şoreşa Îslamî bû, ku yek ji hêzên opozisyona li dijî rejîma Sedam Husên bû.
PUKMEDIA