Şenaz Ibrahîm Ehmed: Tu hincet ji bo bombekirinê nîne

Nivîsgeha Ragihandinê ya Şanaz Îbrahîm Ehmed

Şenaz Îbrahîm Ehmed, xanima yekem a Iraqê

Xanima Yekem a Iraqê Şenaz Îbrahîm Ehmed êrîşên li ser Hewlêrê şermezar dike  got:“Ti hincet ji bo bombebarankirin û binpêkirinên dubare yên esman û serweriya Iraqê nîne, divê sînorek ji van êrîşan re were dayîn.’’
Her wiha got:‘’Em bi gxemekî  mezin çavdêriya rewşa aloz dikin ku şeva borî ji ber bombebaranên bêserûber li ser bajarê Hewlêrê derketiye holê, ku ji bilî tirs û xof û nîgeraniyê, hejmarek welatiyên bêguneh jî hatine bûn qurbanî. Ev êrîşên ku ji herêmên sînor destpê kirbûn û niha li bajarên Herêma Kurdistanê belav bûne, jiyan û  aramî têk daye.”
Di heman daxuyaniyê de Şenaz Îbrahîm Ehmed wiha got:"Tu behaneyek ji bo bombebarankirin û binpêkirinên dubare yên esman û serweriya Iraqê nîne. Divê sînorek ji van binpêkirinan re hebe, ku binpêkirina tam ya yasayên navdewletî ye û sivîlan dike armanc û jiyana wan dixe metirsiyê."
PUKMEDIA