Destnîşankirina roja nû ji bo lidarxistina hilbijartinên Parlamentoyê

Taybetî

Civîna rojnamevanî ya Komîsyona Hilbijartinan û Serokatiya Herêmê

Îro sêşemî 16ê Çileya 2024ê li bajarê Hewlêrê, Serokatiya Herêma Kurdistanê li gel Komîsyona Bilind a Serbixwe ya Hilbijartinan a Herêma Kurdistanê civiya û di civînê de li ser diyarkirina roja nû ya hilbijartinên Parlamentoya Kurdistanê rêkeftin.
Piştî bi dawî hatina civînê, Serokê Lijneya Komîseriya Komisyona Bilind a Hilbijartinan, Parêzgar Omer Ehmed di kongreyeke rojnamevanî de ragihand: “Tevî ku me dest bi amadekariyan bo lidarxistina hilbijartinên Parlementoya Kurdistanê kiriye, lê em nikarin li gorî dema diyarkirî hilbijartinan bikin ku 25/2/2024 bû. Herêma Kurdistanê beriya niha bi vê yekê dizanîbû û di civîna îro de me li ser diyarkirina roja nû ya hilbijartinên Parlamentoya Kurdistanê li hev kir.”
Got jî: paşxistina hilbijartinên parlamentoya Kurdistanê ji bo wê yekê ye ku Komîsyon bikare helbijartinên dadperwer û dûr ji pirsgirêkên teknîkî pêk bîne.
Ji aliyê xwe ve Berdevkê Serokatiya Herêma Kurdistanê Dilşad Şihab di kongreyeke rojnamevanî de ragihand: “Paşxistina roja lidarxistina hilbijartinên Parlamentoya Kurdistanê li derveyî îradeya Serokatiya Herêmê û Komîsyona Hilbijartinan bû û me li hev kir bi Komisyonê re ji bo lidarxistina hilbijartinan dîrokek nû diyar bike.”
Got jî: Hevdîtinên me li gel şanda Komisyonê li ser bingehê baştir birêvebirina hilbijartinên parlamentoya Kurdistanê pêk hatin û ji vê helwêstê ve, emê bi hev re hewlên xwe bo lidarxistina helbijartinên dadperwer, şefaf û bê pirsgirêk zêdetir bikin.
PUKMEDIA