Talebanî: Divê Yekîtiya Ewropayê zêdetir alîkariya Herêma Kurdistanê bike

Ofîsa Çapemeniyê ya Qubad Talebanî

Talebanî li gel Nûnerê Yekîtiya Ewropayê dicive

Cîgirê Serokwezîr Qubad Talebanî li gel Nûnerê Yekîtiya Ewropayê yê li Herêma Kurdistanê Torkild Bigg civiya û di civînê de çendîn mijarên balkêş gotûbêj kirin.
Di civînê de ku roja Çarşemê 17.1.2024 li bajarê Hewlêrê hate encamdan, behsa çawaniya peydakirina derfetên kar ji bo ciwanên Herêma Kurdistanê hate kirin û di vê çarçoveyê de tekezî li ser piştgriîkirina pirojeyên bazirganiya biçûk bi taybetî ew pirojeyên ku ji aliyê ciwanan ve hatine pêşkêşkirin hate kirin. 

Di vê derbarê de, Qubad Talebanî daxwaz ji Yekîtiya Ewropayê kir ku zêdetir alîkariya Herêma Kurdistanê bike, bi taybetî jî di warê veguhestina ezmûna welatên Ewropayê di pêşxistina pirojeyên bazirganî yên biçûk de.

Di beşeke din ya civînê de, Platforma Sole Smart û Korbenda Navdewletî ya Silêmaniyê bo Nûjenî û Karsaziyê hate gotûbêjkirin, ku biryar e 25 Mijdarê li bajarê Silêmaniyê were lidarxistin. Her du alî hevbîr bûn ku platforma Smart Soli projeyek girîng e ji bo çareserkirina pirsgirêkên rêveberiyê bi beşdariya welatiyan di çareserkirina pirsgirêkan de. Di vê derbarê de cîgirê serokwezîr daxwaz ji Yekitiya Ewrûpayê kir ku di pêşxistina platformê de alîkar be.

Platforma Smart Sully însiyatîfek nû ya Cîgirê Serokwezîr e ku ji bo çareserkirina pirsgirêkên bajaran bi tevlêkirina hemwelatî û pisporan di peydakirina çareseriyên biaqil û nûjeniyê di warên cihêreng de. Armanca projeyê pêşkêşkirina baştirîn xizmetguzarî bo welatiyan û baştirkirina sîstema birêveberî û hikûmraniyê li Herêma Kurdistanê ye.

PUKMEDIA