Bi amadebûna Serok... vekirina Navenda Çanda Erebî-Kurdî li Bexdayê

PUKMEDIA

Navenda Çanda Ereb-Kurd li Bexdayê

Bi amadebûna Serokkomar Dr.Ebdul Letîf Cemal Reşîd , xanima yekem û beşdarbûna hijmareke zêde ji berpirs û rewşenbîrên Îraq û deverê, îro Şemiyê, navenda rewşenbîrî ya Erebî-Kurdî hate vekirin li Bexda.
Dr.Ebdul Letîf Cemal Reşîd, di gotarekê de bo amadebûyan di merasima vekirinê de ragihand: “Navenda dê bibe alîkar ku di navbera rewşenbîrên Ereb û Kurd li Îraqê danûstendineke mezin çêbibe û alîkarîya bihevrejiyan, pevguhertina zanyarî û geşepêdanê bike di hemû warên edebî û zanistî de.”
Serokkomar destnîşan kir: “Hejmarek mezin ji helbestvan, dîroknas, zimannas û rewşenbîrên Kurd di avakirina çanda Erebî de beşdar bûne, ji wan Cemîl Sidqî El-Zehawî, Merûf Ebdulxenî El-Rusafî, Ehmed Şewqî Ehmed Teymûr Paşa, Ehmed Bedrxan û Mustafa Akkad, ji ber ku ev pêyîwendiya çandî asta hevgirtin û beşdariya kurdan di avakirina çanda erebî de nîşan dide."
Serokkomar bal kişand ser giringiya peydakirina derfeteke guncaw ji bo pêkvejiyan, xebata hevbeş û pêyîwendiya hunerên gelêrî di navbera Ereb û Kurd de di warê dîrok, wêje û ziman de, da ku ev çalakî di xebata bernameya Navenda Çanda Erebî-Kurdî de cih bigirin, di xizmeta baweriyên me yên cihêreng de ji bo xurtkirina yekîtiya neteweyî.
PUKMEDIA