Encumena Nûneran serokê xwe hildibjêre

Ajansan

Encumena Nûneran

Îro Pêncşemê, dezgeha ragehandinê ya Encumena Nûneran du bername bo rûniştina roja şemiya dahatî eşkere kirin, ku xala yekem têde helbijartina serokê encumenê ye.

Nûnera Yekîtiya Niştimanî ya Kurdistanê Biryar Reşîd ji PUKMEDIA re ragihand: Civîna Encûmena Nûneran dê roja şemiyê helbijartina Serokê Encûmena Nûneran û dengdana li ser proje yasaya qerebûkirina nexweşên kêmasiya parêzî were kirin.
Got jî: Di civînê de dê dengdan li ser proje yasaya dana bi kirêkirina zeviyên çandiniyê û xwendina yekem ya proje yasaya pesendkirina rêkeftina karûbarê veguhestna asmanî di navbera hikûmetên Êraq û Sûriyê de bê kirin, ji bilî xwendina yekem piroje yasaya erêkirina rêkeftina li ser efûkirina hevdu ji şertên vîzeya têketinê ji bo xwediyên pasaportên dîplomatîk di navbera her du hikûmetan de Êraq û Koreya Başûr.

Di berdewamiya axaftinên xwe de got: Di civînê de dê raport û gotûbêj li ser proje yasaya pesendkirina Protokola Erebî ya ji bo rêgirtin û rûbirûbûna bazirganiya mirovan bi taybetî jin û zarokan ji aliyê Komara Êraqê ve were kirin, ku temamkerê Peymana Erebî ya Têkoşîna tawanên ne rêxistinkirî ye di sînorên niştimanî re, û herwiha rapor û gotûbêj li ser proje yasaya yekem serrastkirina qanûna jimare 32 a sala 2011ê ya sindoqa niştecihbûnê ya Êraqê.


PUKMEDIA