Konferansa nûneryatiyên hikûmeta Herêmê dest pê dike

PUKMEDIA

Logoya hikûmeta Herêmê

Konferansa nûneratiyên hikûmeta Herêma Kurdistanê yên li derveyî welat sibe dest pê dike û wê 4 rojan dewam bike û hejmareke zêde ya konsul, dîplomat û nûnerên hikûmetê yên li derve jî tê de beşdar dibin.

Hikûmeta Herêmaê têkiliyên xwe yên derve birêxistin dike
Cîgirê Berpirsê Fermangeha Pêwendiyên Derve ya Hikûmeta Herêma Kurdistanê Daban Şedela ji PUKMEDIA re ragihand: Sêyemîn konferansa pêwendiyên derve ya Hikûmeta Herêma Kurdistanê tê lidarxistin û serokwezîr û cîgirê serokwezîr jî tê de beşdar dibin û dê çar rojan berdewam bike.

Daban Şedela got: "Armanca konferansê ew e ku xebatên dîplomatîk ên Hikûmeta Herêma Kurdistanê bi qonaxa niha ve birêxistin bike û planek stratejîk ji nûneran re were danîn û balkişandin û kûrkirina têkiliyên dîplomatîk bi welatan re.

Konsolên welatan dê beşdar bibin

Li Herêma Kurdistanê 41 konsulxane û nûnerên welatan hene, ji wan 2 nûnertiyên Afrîqa, 2 Amerîka, 10 nûnareyetî Asya û Pasîfînk, 20 jî Ewropa û 7 yên Rojhilata Navîn ku siba 28-1-2024 Konsul û dîplomat dê beşdarî konferansa pêwendiyên herêmî bibin.

Daban Şedela dibêje: Di konferansê de dê çend mijarên dîplomatîk ku hin ji wan bi aborî, bazirganî û veberhênanê ve girêdayî ne, werin gotûbêj kirin.

Fermandeyê Peywendiyên Derve yê Herêma Kurdistanê dibêje: Peywendiyên dîplomatîk ji aliyê Hikûmeta Herêma Kurdistanê ve giringiyeke taybet pê tê dayîn da ku bikarin bandorê li sektorên bazirganî, aborî, veberhênan û çandiniyê bikin, ku ev yek jî teşwîqek e û balkişandina sermayeguzariyê ji bo herêmê werdigire.


PUKMEDIA