Namzetên serkeftî Kerkûkê sond dixon

Kurdistan 12:47 PM - 2024-01-28

Encûmena Parêzgeha Kerkûkê

Piştî 10 roj ragihandina encamên dawî yên hilbijartinên encumenên parêzgehên Iraqê, ji aliyê Komîsyona Bilind a Serbixwe  hilbijartinên Iraqê ve,16 namzedên encûmena parêzgeha Kerkûkê sond dixon.

Yekemîn civîna encûmena parêzgeha Kerkûkê dê bê lidarxistin

Namzedê encumena parêzgeha Kerkûkê ji hevpeymaniya Hêz û Îrade me ye ya Kerkûkê Ehmed Fatîh ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand:“Sibe 29-1-2024 namzedên encûmena parêzgeha Kerkûkê dê li Dadgeha Pêdaçûnê ya Kerkûkê sond bixwin.’
"Li gorî yasayê divê di nava 10 rojan de parêzgarê bi wekalet namzedan kom bike û dest bi civîna yekem a encûmena parêzgehê bike, lê eger parêzgar bi erkê xwe ranebe û îhmal bike ,yasa desthilatê dide berbijêran ku di yekem civîna encûmena parêzgeha Kerkûkê de bicivin û biryarê bidin.” Dr Ehmed Fatîh got.

Dîmeneke zelal li benda Kerkûkiyan e

Çalak nekirina  encûmena parêzgeha Kerkûkê sedema  nebûna xizmetguzarî û pirsgirêkên nav bajêr e   û di ve derbarê de namzedên encûmena parêzgeha Kerkûkê  dibêjin: “Armanca me xizmeta gel e’’.
Namzedê encumena parêzgeha Kerkûkê di hevpeymaniya Kerkûkê de Perwîn Fatîh di hevpeyvînekê de ligel malpera fermî ya Yekîtiya Niştimanî ya Kurdistanê (PUKMEDIA) ragihand: “Hinek ji kêmasiyên bajêr girêdayî neçalakbûna encûmena parêzgeha Kerkûkê ye û ji nû ve aktîvkirina encumenê dê bi awayekî cidî li xizmetguzariyên Kerkûkê binêre.”
Perwîn Fatîh got: Li gor civîn û gotûbêjên ku me li gel namzedên partiyên din kiriye, me hemûyan yek armanc heye, ew jî xizmetkirina xelkê ye, di vî warî de çaverêyek zelal ji xelkê Kerkûkê re tê çaverêkirin.’’
Roja 16.12.2023ê dengdana taybet û 18ê heman mehê dengdana giştî ya hilbijartinên encumenên parêzgehên Iraqê birêve çû ku Hevpeyîmaniya Hêz û Îrade me ye ya Kerkûkê pêk hatibû ji  Yekîtiya Niştimanî ya Kurdistanê (YNK) û Partiya Komûnîsta Kurdistanê  bû yekem li Kerkûkê di encam de  157 hezar û 639 deng ,ango ji sedî 43ê dengên parêzgehê bi dest xist ku dike 5 kursiyên encûmena parêzgeha Kerkûkê .
PUKMEDIA