15 endamên hilbijartî yên Encûmena Parêzgeha Kerkûkê sonda yasayî dixwin

PUKMEDIA

Endamên Encumena Parêzgeha Kerkûkê

Îro dûşemê 29.01.2024ê piştî nîvro 15 endamên hilbijartî yên Encûmena Parêzgeha Kerkûkê li pêş dadgeha pêdaçûnê ya Kerkûkê sonda yasayî xwarin.

Parêzgarê niha yê Kerkûkê Rakan Cibûrî ji ber ku belgeyên endamtiyê pêşkêşî encumena parêzgehê nekir, sonda yasayî ne xwar.
Endamên ku îro sonda yasayî xwarin 5 endam ji hevpeymaniya hêza me û vîna me ya Kerkûkê, 2 endam ji partiya demokrata Kurdistanê, 2 endam ji Tirkmen, 5 endam ji lîsteyên Erebî û endamek ji pêkhateya Xiristiyan in.

Piştî sondxwarinê, Serokê Hevpeymaniya Kerkûk hêz û vîna me ye Rêbwar Taha civîneke rojnamevaniyê lidar xist û tê de got: Îro ji bo Kerkûkiyan rojeke dîrokî ye, ji ber ku piştî 18 salan tîmeke nû li Encumena parêzgeha Kerkûkê dest bi kar dike. tekez kir: “Em weke hevpeymaniya Kerkûkê tenê armanca me xizmetkirina Kerkûkiyan e.
Derbarê lidarxistina yekem civîna Encûmena Parêzgeha Kerkûkê de jî Rêbwar Taha got: “Li gorî yasayê divê parêzgar banga lidarxistina civîna Encûmena Parêzgehê bike û eger ev dem bê lidarxistina civînê bi dawî hat, endamên Encûmena Parêzgehê. dikarin ji bo rûniştinê rojekê diyar bikin.

Encumena Parêzgeha Kerkûkê ji 16 kursiyan pêk tê û li gorî encamên hilbijartinên ku ji aliyê Encumena Komîseran a Komisyona Bilind a Serbixwe ya Hilbijartinan ve hat pesendkirin, Kurdan 7 kursî di Encumena Parêzgehê de bidest xistin, ku 5 ji wan ji bo Yekîtiya Niştimanî û 2 kursî ji bo Partiya Demokrat a Kurdistanê, lê lîsteyên Erebî 6 kursî, Tirkmenan 2 kursî û tevgera Babil jî kursiyek ji pêkhateya Xiristiyanan re bidest xistin.

PUKMEDIA