Kurd û YNK ji bo civîna Encûmena Parêzgeha Kerkûkê amade ne

Kurdistan 11:39 AM - 2024-02-03

Kerkûk

Endamekî encûmena parêzgeha Kerkûkê ragehand ku, biryar bû meclisa parêzgehê yekem civîna xwe li dar bixista, lê ji ber rêknekeftina aliyan hat paşxistin ,lê em wek Kurd û YNKê her dem amade ne.
Namzedê encumena parêzgeha Kerkûkê ji hevpeymaniya Kerkûkê ‘’Hêz û Îradeya me ye’' Parwîn Fatîh ragihand: “Hefteya borî bi nivîskî ji me re hatibû ragihandin ku civata nû ya parêzgeha Kerkûkê dê di 1-2-2024 de yekem civîna xwe li dar bixe, lê piştre ji me re hat gotin ku civîn bo 5-02-2024 hatiye paşxistin.’’
Wî zêde kir:“Di nameyê de tê gotin ku sedema paşxistina civînê di navbera aliyan de ye ,le weke Kurd û Yekîtiya Niştimani ya Kurdistanê (YNK) her ku civîn pêk were em amade ne.’’

Yekitiya Niştimanî li Kerkûkê yekemîn serkeftî ye

Encumena Parêzgeha Kerkûkê ji 16 kursiyan pêk tê û li gorî encamên hilbijartinan ku ji aliyê Desteya Komîseran a Komîsyona Bilind a Serbixwe ya Hilbijartinan ve hatiye pesendkirin, Kurdan 7 kursî di Encumena Parêzgehê de bi dest xistine, ku 5 ji wan ji bo Yekîtiya Niştimanî ya Kurdistanê  {Hevpeyîmaniya Kerkûkê Hêz û Îradeya me ye ku Partiya Komunista beşeke ji wê ye} û 2 kursî ji bo Partiya Demokrat a Kurdistanê, lê lîsteyên bi dest ketine zimanê erebî 6 kursî, tirkmenan 2 kursî, û tevgera babilî kursî ji pêkhateya mesîhî re bi dest xistin.
PUKMEDIA