Xebata YNK bo Helebce bibe parêzgeh berdewame

Kurdistan 01:26 PM - 2024-02-03

Monûmenta Şehîda li Helebce

Endamekî Fraksiyona YNKê li Parlamentoya Iraqê daxwaz dike ku;Xwendina sêyem ya proje yasaya Helebce bibe parêzgeha pêk bê û ev yek bikeve rojeva civînên parlamentoyê û yasaye parêzgehbûna  Helebce bê nasandin.

Fraksiyona YNKê dê bi şertekî deng bide Serokê nû yê parlamentoyê

Parlamenterê Fraksiyona Yekîtiya Niştimanî ya Kurdistanê (YNK) li Parlamentoya Iraqê Çiro Hema Şerîf ji PUKMEDIA re ragihand: “Min bi awayekî nivîskî daxwaz ji Serokê Parlamentoya Iraqê bi wekalet kiriye ku di rûniştina bê ya parlamentoyê de ku proje yasaya bi parezgehbûna Helebece  bikeve rûniştina bê ya civata nûneran û  divê em dengên herî zêde kom bikin û proje yasa dengên pêwîst bidest bixe.’’
Çiro Hema Şerîf got: “Fraksiyona YNKê ji bo dengdana li ser  Serokê nû yê parlamentoyê şert û mercê me  hene, yek ji wan şert û mercan a ku proseya parêzgehabûna  Helebce  bi dawî bibe û deng li ser proje yasayê  bidin.’’

Helebce li benda xwendina sêyemîn e ku bibe Parezgeh

Pêştir li ser daxwaza Fraksiyona YNKê, ew proje yasaya ketibû rojeva parlamentoyê û xwendina yekem û duyem bo wê  hatibû kirin, lê ji bo xwendina sêyem û dawî ya proje qanûnê,bi biryara serokê berê yê Parlamentoyê Mihemed Helbûsî hatibû paşxisitin.

Serok Bafil: Helebce bibe parêzgeh ji bo xelkê Helebce destkeftiyekî biçûk e

Pêştir di serdana xwe de ya bo Bexdayê û hevdîtinên li gel serkirdeyên Iraqê de, Serok Bafil tekezî li ser wê yekê kir ku Helebce bibe parêzgeh û Serokê Yekîtiya Niştimanî ya Kurdistanê (YNK) ji berpirsên Iraqê re got:"Parêzgehbûna Helebce destkeftiyeki biçûk e ji bo qurbanîdana mezin a xelkê Helebceyê ji bo Iraqeke demokratîk û divê aliyên Iraqî di berjewendiya xelkê Helebce de dawî li vê pirsê ligel aliyên Kurdistanî bînin."
Di sala 1988’an de dîktatoriya berê ya Iraqê mezintirîn tawanên jenosîdê li dijî xelkê Helebce pêk anî, ew jî kîmyabarana bajarê Helebce bû ku di encamê de zêdetirî 5 hezar kes hatin Şehîd xistin.
PUKMEDIA