Qubad Talebanî soza xwe ya ji bo kesên xwedî pêdiviyên taybet pêk tîne

PUKMEDIA

Pirojeya Nîştecîbûnê

Yekem car li Herêma Kurdistanê û Êraqê bi biryara Qubad Talebanî Cîgirê Serokê Hikûmeta Herêmê, li parêzgeha Silêmaniyê bi bihayekî erzan û bi qistên vehesî yekeyên xaniyan li ser kesên xwedî pêdiviyên taybet tên dabeşkirin.

Berpirsê Liqa Silêmaniyê ya Yekîtiya Xwedî Pêdawîstiyên Taybet Semen Hisên ji PUKMEDIA re ragihand: Ji îro 4-2-2024ê heta 22.02.2024ê formên yekeyên xaniyan li ser kesên xwedî pêdiviyên taybet li parêzgeha Silêmaniyê tên belavkirin.

Got jî: Yekîneyên xaniyan di pirojeya (Ziyanewa) de ne û dê 240 xaniyan li ser kesên xwedî pêdiviyên taybet bên dabeş kirin, bi pêşekî 5 hezar dolar û qîsta mehane 150 hezar dînar, ev xizmetguzariya yekem care li ser ast Herêma Kurdistanê û Êraqê ye.

Semen Husên got: Em bi navê hemû kesên xwedî pêdawîstiyên taybet ên parêzgeha Silêmaniyê spasiyên xwe pêşkêşî birêz Qubad Talebanî Cîgirê Serokê Herêma Kurdistanê dikin ji bo xizmetkirin û piştevaniya berdewam.

Proje ji 1000 xaniyan pêk tê û bi biryara Qubad Talebanî 240 xanî ji bo kesên xwedî pêdiviyên taybet hatin terxankirin û qonaxa yekem a projeyê ku li ser cadeya serekî ya devera Qule Reîsî ye bi dawî hat.

PUKMEDIA