Şalaw Kosret Resûl: Em hemû bi hev re xizmetê bikin

PUKMEDIA

Şalaw Kosret Resûl & Emmar Hekîm

Şalaw Kosret Resûl îro Duşemê li Bexdayê bi Serokê Tevgera Hîkme Emmar Hekîm re civiya û ragihand : “Em hêvî dikin ku hemû partî beşdarî rêveberiyên herêmî bibin û em hemû bi hev re xizmeta gelê xwe bikin.’’
Di destpêka hevdîtinê de Şalaw Kosret Resûl pîrozbahiya serkeftina hilbijartinên encumenên parêzgehê li Seyîd Emmar Hekîm û hemû hêzên serkeftî kir û got: "Encamên hilbijartinan hevkêşeya siyasî ji nû ve saz kir û em hêvîdar in ku hemû alî beşdarî hikûmetên herêmî bibin û em hemû bi hev re xizmeta gelê xwe bikin."
Peywendiyên navbera Yekîtiya Niştimanî ya Kurdistanê (YNK) û Tevgera Hikme mijareke dinê vê hevdîtinê bû û her du alî li ser pêşxistina peywendiyan li hev kirin.
Di civînê de behsa peywendiyên di navbera Herêma Kurdistanê û Bexdayê de, çareseriyeke radîkal ji bo pirsgirêkan û hewlên ji bo zêdetir têgihiştin û jinavbirina nakokiyan hate kirin, daku destûr bibe prensîba sereke û her kes pêbendî wê be.
PUKMEDIA