Serrastkirina yasaya Budceyê pêdivî bi rêkeftineke berfireh heye

PUKMEDIA

Logoya Hikûketa Herêmê û ya Hikûmeta Federal

Ji bo serrastkirina yasaya bûdceyê pêwîstî bi rêkeftina Herêma Kurdistanê û Bexdayê heye, tevî ku endamekî Komîteya Darayî di wê baweriyê de ye ku: Ev serastkirin hemû kêşeyên navbera Hewlêr û Bexdayê çareser nake, lê pabendbûna herêmê bi rêkeftinê, kilîta çareserkirina piraniya pirsgirêka ye.

Çareserkirina pirsgirêkên aborî û ji nû ve destpêkirina hinartina petrolê

Endamê Lijneya Darayî ya Parlamentoyê Cemal Koçer ji PUKMEDÎA'yê re ragihand: Pirsgirêkên ku di navbera hikûmeta federal û hikûmeta Herêma Kurdistanê de ne, ji wan dosyaya mûçe û petrolê, bi rêkeftina di navbera her du aliyan de tên çareserkirin.

Got jî: Dosyaya petrolê peywendî bi helwesta welatên cîran, girêbest, rêkeftinên petrolê û pabendbûna hikûmeta herêma Kurdistanê bi rênimayiyên hikûmeta federalî ve heye û ev mijar ne asan e, lê eger hêzek bihêz hebe emê bikarin hemû pirsgirêkên berdest çareser bikin û mûçeyên karmendan dabîn bikin.

Li benda guhertina budçeyê ne

Endama Lijneya Darayî ya Parlementoyê Dr.Nermin Mairûf ji PUKMEDIA re ragihand: Divê pirsgirêkên darayî yên di navbera Herêma Kurdistanê û Hikûmeta Federal de bên çareserkirin û em li bendê ne ku yasaya bûdceyê were sererastkirin û ev mijar pêwîstî bi karekî berfireh û rêkeftina navbera Hewlêr û Bexdayê heye.

PUKMEDIA