Civata Nûneran behsa binpêkirina serwerîya Îraqê dike

PUKMEDIA

Civîna Meclîsa Nûneran

Biryare îro şemî 10.02.2024 demjimêr 5ê piştî nîvro, civata nûnerên Îraqê civîneke dewreyî bo gotûbêjkirina êrîşên ser serwerîya Îraqê li dar dixe, endamekî civata nûneran dupat dike ku yekrêzî û diyaloga Îraqî yekane rê ye ji bo çareserkirina pirsgirêkan û dawî li vê pirsgirêkê bînin.

Cîgirê Serokê  Firaksiyona Serokê Yekîtiya Niştimanî ya Kurdistanê li Civata Nûneran Kerîm Şakur di daxuyaniyekê de bo (PUKMEDIA) ragihand: “Em wek Yekîtiya Niştimanî ya Kurdistanê beşdarî civîna ku ji aliyê Civata Nûneran ve bo gotûbêja êrîşên li ser serweriya Iraqê ye.”

Kerîm Şakur got jî: Em di wê baweriyê de ne ku destwerdanên derve yên welatên navçeyê û hêzên mezin li ser karûbarên navxweyî û binpêkirina serweriya Iraqê piştî azadkirina Iraqê dest pê kir û ev pirsgirêk pêwîstî bi yekrêziya rêzên Iraqê heye. Ji hemû hêz û aliyên siyasî re bi hikûmetê re axaftineke yekgirtî pêwîste, piştre jî bi welatan re rûniştin ku eleqedar in  li ser vê pirsgirêkê diyalogê bikin.
Cîgirê serokê firaksiyona  Yekîtiya Niştîmanî got: “Divê em bi hemû welatên ku binpêkirinan dikin bi awayekî wekhev û di helwêstên xwe de ji hev cuda nebin, ji ber ku êrîş û lêdan li ser hemû navçeyên Iraqê hene û ev yek jî pêwîstî bi wê yekê heye ku em xwedî helwesteke berfireh bin bo dîtina pirsgirêkê.”

Derbarê pêşbîniyên danûstandinên navbera Iraq û Amerîkayê de jî, Kerîm Şakur tekez kir ku, mayîn û derketina hêzên hevpeyman û Amerîka ji Iraqê divê bi diyalog û ji hev têgihiştinê be li ser vê  dosyayê bo bidawîkirina vê aloziyê .”
PUKMEDIA