Konsulxaneya Amerîka: Em piştgiriyê didin medyayê û gihandina agahîyên bê tirs

Konsulxaneya Amerîka

Mark Straw û hejmarek rojnamenus

Konsulxaneya Giştî ya Amerîka li Hewlêrê got: Em kêfxweş in ji civaka bihêz a medyayî ya li Herêma Kurdistanê çalak in û em piştgiriyê didin hewildanên wan ên domdar ên ji bo veguheztina nûçeyan û gihandina agahiyan bêyî bandor, tacîz, tirsandin an jî astengiyên din.

Konsulê Giştî yê Amerîkayê Mark Straw li gel hejmarek rojnamevan û sernivîserên dezgehên ragihandinê civiya ku di nav wan de Sernivîserê malpera fermî ya Yekîtiya Niştimanî ya Kurdistanê (PUKMEDIA) Ata Kerîm jî hebû, li ser kar û xebatên medyayî gotûbêj kirin.

Di daxuyaniyekê de ku li ser malpera fermî ya Konsulxaneya Amerîkayê hatiye belavkirin, amaje bi wê hat kirin ku Konsulê Giştî Mark Straw li gel hejmarek rojnamevan û sernivîserên dezgehên ragihandinê yên curbecur civiya û ji bo naskirina xebatên wan, çarçoveya xebatên medyayê û zehmetiyên ku medya li her derê cîhanê rû bi rû ne.

Di ragihandina konsulxaneyê de hatiye: Medya di hişyarkirina raya giştî, arastekirina raya giştî û rûbirûbûna hikûmetê bi berpirsyariyên xwe de xwedî roleke girîng û bingehîn e û divê li her derê were parastin.

Konsulxaneya Amerîka di daxuyaniyekê de got: "Em pêşwaziya civaka bihêz a medyayî ya li Herêma Kurdistanê dikin û piştgiriya berdewamiya hewlên wan dikin ji bo veguheztina nûçeyan û gihîştina zanyariyan bê bandor, çewsandin, tirsandin û astengiyên din.

PUKMEDIA