Serokê eşîra Ozerî: Em bi yasayê razî ne

Channel 8

Serokê eşîra Ozerî

Serokê Eşîra Ozerî Ekrem Ebdullah got: "Em hemfikir in ku dewleta hiqûqê bi ser bikeve û ciwanê eşîra me Derîn Ehmed were darizandin.’’

Di kongirekî rojnamevanî de ku hejmarek ji kesayetî û rûspiyên eşîra Ozerî amade bûn, Ekrem Ebdullah wiha got:“Ciwanê bi navê Derîn Ehmed hatiye girtin, biryara girtinê yasayî ye û em wî xortê bi paşnavê Ozerî wek kurê xwe dihesibînin, lê qesra ku wî çêkiriye ti têkiliya wî de,bi eşîra me re nîne.’’

"Em ji hin kanalên medyayê yên ku navê eşîra me bi kar anîne nîgeran in, lê di her eşîrekê de mirovên baş û xirab hene û em li gel wê yekê ne ku her kesek li her halekî be ku karên neqanûnî bike da ku rûbirûyê yasayê be, wek eşîra xwe piştgirîya yasayan dikin û xwe xwediyê vê hêzê dibînin ji ber ku me gelek xwîn jê re rijandiye.”Wiha got

Ekrem Ebdullah got: “Em rêzê li dîrok, têkoşîn û navê eşîra xwe digirin û ji çapemeniyê daxwaz dikin ku dîroka me xirab nekin.Tiştê ku çêbû xortekî ji eşîra me bû, lê ne karê  eşîra me bû, em ji her tiştê ku li ser navê eşîra me tê kirin bêpar in.”
PUKMEDIA