Qubad Talebanî bi Konsulê Giştî yê nû yê Yunanê re civiya

PUKMEDIA

Qubad Talebanî û Konsulê Giştî yê nû yê Yunanê

Cîgirê Serokwezîr Qubad Talebanî pêşwaziya Konsulê Giştî yê nû yê Yunanê li Herêma Kurdistanê Nicolas Stergiulas kir û di wê hevdîtinê de behsa çawaniya pêşxistina peywendiyên di navbera her du welatan de hat kirin.

Di hevdîtinê de ku roja Çarşemê (14.02.2024) hat lidarxistin, Qubad Talebanî pîrozbahiya destbikarbûna Nicholas Stergiulas wek Konsulê Giştî yê Yewnanistanê kir û hêviya serkeftinê ji bo pêşxistin û bihêzkirina têkeliyên navbera Herêma Kurdistanê û Yunanê ji bo wî xwest.

Her du alî li ser wê yekê hevfikir bûn ku bingehek guncaw ji bo bihêzkirina peywendiyan di warên çandinî û geştiyariyê de heye. Di vê derbarê de Cîgirê Serokwezîr got ku Yunan di her du waran de xwedî ezmûneke serkeftî ye û Herêma Kurdistanê pêşwaziya veberhênerên wî welatî dike ku di warên çandinî û geştiyariyê de sermayeguzarî bikin û ezmûna serkeftî ya Yunanistanê bo Herêma Kurdistanê veguhêzin.

Li beşekî dinê vê hevdîtinê de balkişand li ser girîngiya danîna peywendiyên di navbera zanîngehên Kurdistanê û Yûnanistanê û daxwaz ji Konsulê Giştî yê Yewnanistanê kir ku di vê derbarê de alîkar be. Her wiha daxwaz ji hikûmeta Yunanê jî kir ku ji bo wergirtina xwendekarên Kurdistanê li zanîngehên wî welatî asankariyê bike.


PUKMEDIA