Serokkomarê tekezî li ser pêwîstiya girtina kampên penaberan dike

Ragihandina serokkomar

Serokkomar û cîgirê serokê fireksiyona YNK

Îro pênçşem 15.02.2024 li Koşka Bexdayê cenabê Serokê Komarê Dr. Ebdulletîf Cemal Reşîd pêşwaziya Cîgirê Serokê fireksiyona Yekîtiya Niştimanî ya Kurdistanê li civata nûneran Mela Kerîm Şikur kir.

Di hevdîtinê de pêşhatên giştî yên welat hatin gotûbêjkirin û birêz Serok tekez li ser girîngiya destpêkirina derxistina yasa û yasayên pêwîst li civata nûneran kir, bi taybetî yasayên ku kar ji bo baştirkirina rewşa jiyanê û pêşxistina xizmetguzariyên bingehîn bo welatiyan dikin.

Cenabê Serok bal kişande ser giringiya hevahengiya di navbera Serokayetiya Komarê û Civata Nûneran de û amaje bi wê yekê jî kir ku Serokayetiya Komarê li ser karê xwe berdewam e ji bo pêşkêşkirina proje yasayên pêwendîdar bi pêwîstî û pêdiviyên welatiyan.

Her wiha di civînê de behsa aktîvkirina bendên yasaya jinên êzidî yên rizgarbûyî hat kirin û birêz Serok tekezî li ser giringiya hemahengî û hevkariya di navbera nûnerên pêkhateyan de kir, eger pêwîst be guhertin di xalên qanûnê de bên kirin.

Derbarê pirsa awareyan de, Serokê Komarê amaje bi wê yekê kir ku pêwîste pirsa awareyan bi dawî were bi vegerandina wan bo deverên wan piştî çaksaziyê, û piştgîriya tedbîrên hikûmetê bo girtina kampên awareyan di dawiya Tîrmeha bê de.

Ji aliyê xwe ve, Mela Kerîm Şikûr piştgiriya xwe ji bo pêşniyarên cenabê Serok Komarê nîşan da û tekez li ser giringiya hevkarîkirina Serokayetiya Komarê û Encûmena Nûneran ji bo derxistina yasayên pêwîst û karkirina hevbeş ji bo vegerandina koçberan ji bo herêmên xwe.