Serok Bafil wek yekane serokê partiya li Kurdistanê beşdarî Konferansa Munchenê dibe

Nivîsgeha Ragihandinê ya Serokê YNKê

Serok Bafil

Serok Bafil Celal Talebanî wek yekane serokê partiyê li Kurdistanê û zêdetirî 450 berpirsên biryardar û serkirdeyên cîhanê dê beşdarî Konferansa Ewlekariya Munichê (MSC) 2024 li bajarê Miyonşinê yê Almanyayê bibin ji bo sê rojan.Konferansa Ewlehiyê ya Miyonşinê ya 60emîn, 16ê Sibatê dest pê dike, “Şerê Rûsya û Ukraynayê, alozî û tevliheviyên li Rojhilata Navîn, kêmbûna rola Ewropayê ya li cîhanê” mijarên sereke yên konferansê ne.

Serok Bafil aştî li ser rêya Serok Mam Celal dixwaze

Berpirsê Fermangeha Pêwendiyên Derve yê Buroya Pêwendiyên Yekîtiya Niştimanî ya Kurdistanê (YNK) Xeylanî ji PUKMEDYA re ragihand:"Serok Bafil weke tekane serkirdeyê partiya li Kurdistanê giringiyê bi demokrasî û aştiyê li Herêma Kurdistanê, Iraq û navçeyê dide û dê di vê derbarê de beşdarî Konferansa Asayîşa Munchenê bibe."

“Hevdîtinên Serok Bafil bi serkirdeyên welatan re di Konferansa Ewlekariyê ya Munchenê de vê rastiyê îsbat dike ku YNK li ser asta Kurdistan, Iraq û herêmê siyaseteke rast dimeşîne,li dû aştîyê ye û bûye partiyek nûjen li herêmê, ji bilî van hevdîtinan roleke girîng di bidestxistina piştevaniya navdewletî ji bo Herêma Kurdistanê û Iraqê heye.”Got

Rola Serokê Yekîtiyê û Konferansa Munchenê

Serokê Yekîtiya Niştimanî ya Kurdistanê (YNK) ji ber rola bibandor a ku li Iraq û Kurdistanê ji bo aştî û pêkve jiyanê lîstiye, dê weke tekane serkirdeyê partiya li Almanyayê beşdarî Konferansa Munchenê ya Almanyayê dibe.

Endamê Serkirdayetiya YNKê Feryal Ebdullah ji PUKMEDIA re ragihand: “Beşdarbûna serokê YNKê weke tekane serkirdeyê partiyeke Kurdistanî di Konferansa Asayişa Munchenê de ye, ji ber wê rola bibandor a YNKê ye ji bo aştî û pêkvejiyana li Herêma Kurdistanê û Iraqe lîstîye. Serok Bafil  her tim hewl daye ku qanûnê bi cih bîne.”

“Mijareke din a girîng a konferansa Munchenê jî aborî ye, ku tê de ji bo Iraq û Herêma Kurdistanê hewl tê dayîn ev bernameya aborî ye ku bi hinardekirina gazê bibe yek ji welatên berhemhênerên enerjiyê. Ji vê perspektîfê nêrîna Serokê Yekîtiya Niştimanî ya Kurdistanê (YNK) Bafil Celal Talebanî eşkere ye.’’ Faryal Abdullah got.

Serok Bafil stratejiya YNKê ya ji bo aramiya aştiyê pêşkêş dike

Di wê konferansê de Serok Bafil dê çend hevdîtinên din yên girîng ên siyasî li gel serkirde û berpirsên payebilind ên welatên Rojhilata Navîn, Ewropa û Amerîka pêkbîne û siyaset û stratejiya YNKê li hember pirsên aktuel û diyarker pêşkêş bike.

Her wiha mijareke dinê civînan jî parastina aramiyê û dûrxistina Herêma Kurdistanê û Iraqê ji aloziyên navçeyê ye û her wiha mijara şerê li dijî terorê û berfirehkirina hemahengiyê jî dê were gotûbêjkirin.
PUKMEDIA