Parlementoya Iraqê daxwaza rakirina dorpêça li ser firokexaneya Silêmaniyê dike

PUKMEDIA

Firokexaneya Silêmaniyê

Serokê Lijneya Veguhastin û Pêwendiyan ya Parlamentoya Iraqê ser bi  Fraksiyona YNKê di Parlamentoyê de ragihand ku daxwaz ji Balyozê Tirkiyê li Iraqê kiriye, dorpêça li ser firokexaneya Silêmaniyê rake û got:“Pêwendiyên di navbera Iraq û Tirkiyê de pêwîst in û pirsgirêk bi diyalogê çareser bibin.’’

Li Firokexaneya Silêmaniyê ti pirsgirêk nine

Endamê Lijneya Veguhastin û Pêwendiyan ya Parlamentoya Iraqê Karwan Yarwais ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Di hevdîtina me ya li gel Balyozê Tirkiyê de, Seroka Komîteyê Zehra Alpacarî daxwaz ji balyozê Tirkiyê kir ku dorpêça li ser firokexaneya Silêmaniyê were rakirin û got: “Ev ne teknîkî û îdarî ye û ti sedemek bo berdewamkirina dorpêçê nîne.’’

“Me ji Balyozê Tirkiyê xwest ku ambargoya li ser Firokexaneya Navdewletî ya Silêmaniyê were rakirin, niha Balyozê Tirkiyê li Iraqê dikare bi hikûmeta xwe re biaxive û ambargoyê rake, ji ber ku ji ambargoya li ser firokexaneya navdewletî ya Silêmaniyê ziyandar e, tenê bandorê li welatiyan û karsazan dike.’’Karwan Yarwais got.

Talebanî: Divê pirsgirêka firokexaneya Silêmaniyê were çareserkirin

Cîgirê Serokwezîr Qubad Talebanî roja 07.02.2024ê bi Wezîrê Berevaniya Tirkiyê Yaşar Guler re hevdîtin pêk anîbû û li ser mijara girtina qada hewayî ya Tirkiyê li ser firokexaneya navdewletî ya Silêmaniyê gotûbêj kiribû û daxwaza çareserkirina pirsgirêkê kiribû.

Di heman demê de, roja sêşemê 13-2-2024, Lijneya Veguhastin û Pêwendiyan ya Parlamentoya Iraqê li gel Elî Riza Konsulê Tirkiyê li Iraqê û Konsulê Tirkiyê li Besra û şandeke pilebilind a Wezareta Veguhestinê ya Tirkiyê civiyan û banga rakirina dorpêça li ser firokexaneya Silêmaniyê kirin. 

Hikûmeta Tirkiyê di 6ê Nîsana 2023an de, zêdetirî 10 mehan e hemû geştên esmanî yên firokexaneya Silêmaniyê rawestandibû, geştên firokexaneya Silêmaniyê bi rêya  esmanê Tirkiyê hatiye girtin û di encamê de ziyan gihîştibû hemwelatî û karsazên li ser sînor.
PUKMEDIA