Serok Bafil: Em naxwazin ewlekariya gelê me bikeve xeterê

Nivîsgeha Ragihandinê ya Serokê YNKê

Serok Bafil û Stephen Begin

Serokê Yekîtiya Niştimanî ya Kurdistanê (YNK) Bafil Celal Talebanî di çarçoveya sêyemîn roja Konferansa Asayîşa Munchenê de ligel Stephen Begin Cîgirê berê yê Wezîrê Derve yê Amerîkayê û Cîgirê Serokê Boeing civiya.

Di civînê de tekezî li ser berdewamiya hemahengî û hevkariya di navbera Herêma Kurdistan, Iraq û Amerîka di çarçoveya parastina berjewendiyên bilind û hevkarîkirina bo rûbirûbûna terorê û derbaskirina pirsgirêkên emnî kirin.

Her li vê hevdîtinê de Serok Bafil tekezî li ser pêgiriya YNKê ji bo yekxistina hewlên siyasî û dîplomatîk bo parastina aramiya siyasî li navçeyê kir û got: ‘’YNK hewlên parastina welat ji nakokiyan dide û em naxwazin xaka me bibe qadeke çareseriya nakokiyan û ewlehiya gelê me bikeve xeteriyê.’’

Li hember de jî Stephen Begin bi rêzdarî hewl û pêngavên Serok Mam Celal bo parastina yekrêzî û asayîşa Iraqê bi bîr anî û got:’’ Ez kêfxweşim ku di serdana xwe ya bo Iraqê de ji nêz ve bi Serok Mam Celal re civiyam û me behsa prosesa siyasî ya welat kir.’’
PUKMEDIA