Serok Bafil peyama YNKê gihande hevpeymanan

PUKMEDIA

Serokê Yekîtiya Niştimanî ya Kurdistanê

Serokê Yekîtiya Niştimanî ya Kurdistanê (YNK) Bafil Celal Talebanî beşdarî Konferansa Asayişa Munichê ya 2024ê bû û tê de karî peyama YNKê rasterast bigihîne dost û hevalbendên cîhanê.

Her di wê konferansê de, Serok Bafil çendîn hevdîtinên taybet û fermî li gel serokên hikûmet, dîplomat, siyasetmedar û şarezayên serbazî pêkanî û rewşa giran a Iraqê bi giştî û Herêma Kurdistanê bi taybetî ji serkirde û berpirsên pilebilind ên cîhanê re ragihand.

Serok Bafil bal kişand ser vê yekê ku têkoşîna li dijî rêxistinên terorîst neqediyaye û bal kişand ser rewşa neîstiqrar a li herêmê ji ber nakokiyên herêmî.

Her wiha pêwîstiya mayîna hêzên hevpeymaniya navdewletî li Herêma Kurdistanê û Iraqê jî rave kir û got, pêwîst e hêzên mayî bi awayekî ku pêwîstiyên îro yên aştî û seqamgîriyê li navçeyê dabîn bikin.

Serok Bafil Celal Talebanî behsa hewlên berdewam yên YNKê ji bo hevahengiya zêdetir a tîma di nava hikûmeta Herêma Kurdistanê û hikûmeta federal de kir. Girîngiya hilbijartinên Hikûmeta Herêma Kurdistanê, amadekariyên di dema xwe de û misogerkirina serkeftin û yekparçebûna van hilbijartinan mijareke dinê hevdîtinê bû li gel berpirsên ku di Konferansa Asayîşa Munchenê re civiyabû.

Nivîsgeha Ragihandinê ya Serokê Yekîtiya Niştimanî ya Kurdistanê Bafil Celal Talebanî
PUKMEDIA