Çar herêmên hilbijartinê di parlamentoyê de hevsengiyê çêdikin

Kurdistan 06:36 PM - 2024-02-20

Parlamentoya Kurdistanê

Biryare sibe (21-2-2024) Dadgeha Federalî ji bo guhdarîkirina giliya Yekîtiya Niştimanî ya Kurdistanê (YNK) li dijî yasaya hilbijartinên Herêma Kurdistanê bicive ku  pêştir 11 care paşve hatibû xistin û mamosteyekî zanko dibêje :"Eger Dadgeha Federalî li ser giliya YNKê biryarê bide, sîstema hilbijartinan li Herêma Kurdistanê dê bibe çaralî û bi vî awayî mafê kursiyên parêzgehan diparêze."

Çar herêmên hilbijartinê kursiyên parêzgehan diparêzin

Mamostayê zanîngehê û pisporê di warê hilbijartinan de Rêbîn Ebûbekir ji malpera fermî ya Yekîtiya Niştimanî ya Kurdistanê (PUKMEDIA) re ragihand;“Piştî ku Yekîtiya Niştimanî ya Kurdistanê (YNK) li dijî yasaya hilbijartinan li Herêma Kurdistanê gilî kir û gilîname çend car hat paşxistin , wê sibe Dadgeha Federalî derbarê pirsa yek û çar navçeyan de ji bo hilbijartinên Parlamentoya Herêma Kurdistanê biryarê bide. ”

Wî got: "Sîstema çar xalî dê kursiyên parêzgehan diyar bike, lewra hejmara dengderan bandorê li proseya hilbijartinan nake û kursiyên parêzgehan dê bên parastin û ti parêzgehek nikare mafên parêzgeheke din werbigire."

Di meclîsê de hevsengiya hêzan çêdibe

Lidarxistina hilbijartinên bê bi sîstema çaralî dê xizmeta pêvajoyê bike, da ku parêzgeh mafê xwe yê kursiyan biparêzin.

Mamostayê zanîngehê li buroya hilbijartinên YNKê Hawnyaz Samî ji PUKMEDIA re ragihand: “Çar navçe dê xizmeta proseya bê ya hilbijartinan li Herêma Kurdistanê bikin û dê piştrast bin ku parêzgehan xwedî mafê kursiyan e, lê eger yek navçeyek li parêzgehê hebe ku dengdêrên wê zêdetir be dê kursiyên parêzgehê bi beşdariya kêmtir kêm bibin.”

“Giringiya çar herêman ew e ku hevsengiya hêzê di hilbijartinan de çêbibe û nûnerên parêzgehan li gorî hejmara niştecihên parlamentoyê bin, ne li gorî beşdariya piraniya û kêmaniyan di hilbijartinan de be.” Wiha got.

Heft partiyên kurdî li ser çar herêman li hev dikin

Roja 11.03.2023ê 7 partiyên Kurdistanî li ser wê yekê li hev kirin ku li gorî parêzgehên Herêma Kurdistanê sîstema hilbijartinê ya çaralî hebe û tomarkirina biyometrîk a Komîsyona Hilbijartinan a Iraqê bibe bingeh ji bo hilbijartinan.
Partiyên Kurdistanî (Yekîtiya Niştimanî ya Kurdistanê, Partiya Demokrata Kurdistanê, Tevgera Gorran, Civaka Dadperwerî, Yekgirtûya Îslamî, Partiya Komûnîst, Zehmetkêşên Kurdistanê û Partiya Rencdaran) li baregeha Polîtboruya Siyasî ya YNKê li Silêmaniyê civiyan û biryar dan ku hilbijartinên bê yên parlamentoyê li çar deveran bên kirin.

Li herêmê nêzî 4 milyon welatî mafê dengdanê hene

Li gorî daneyên Komîsyona Bilind a Hilbijartinan a Iraqê 3 milyon û 789 hezar û 405 dengdêr dikarin beşdarî hilbijartinên Parlamentoya Herêma Kurdistanê bibin.Hikûmeta Herêma Kurdistanê dema qeydkirin û nûkirina qeyda dengdêran dirêj kir ji bo 10 rojên din bi qasî ku pêkan e hemwelatiyên xwe tomar bikin.
PUKMEDIA