Talebanî ji şandeke Almanî re: Metirsiya terorê hîn giran e

PUKMEDIA

Talebanî li gel şandeke leşkerî ya Almanyayê civiya

Cîgirê Serokwezîr Qubad Talebanî pêşwaziya şandeke leşkerî ya Almanyayê bi serokatiya fermandarê hêzên almanî Wolf Alexander Hamp kir.Di civînê de behsa çaksaziyên Wezareta Pêşmerge û çendîn mijarên din ên balkêş hatin kirin.

Di civînê de ku roja sêşemê (27.02.2024) li Hewlêrê û bi amadebûna Benjamin Hanna Cîgirê Konsulê Giştî yê Almanyayê li Herêma Kurdistanê û Daban Şadala Cîgirê Berpirsê Fermangeha Peywendiyên Derve ya Kurdistanê hat lidarxistin, Cîgirê Serokwezîr spasiya alîkariya leşkerî ya Almanyayê kir û got: "Metirsiya terorê hîn jî metirsiyeke cidî ye û komên terorîst li derfetekê digerin ji bo ji nû ve birêxistinkirin û bêîstiqrarkirina herêmê, ji ber vê yekê divê em hertim hemahengî û hevkariyê bikin ji bo jinavbirina van metirsiyan," 

Mijareke din a hevdîtinê jî çawaniya pêşdebirina reformên Wezareta Pêşmerge bû. Di vê derbarê de, Qubad Talebanî tekez li ser berdewamiya proseya çaksaziyê weke ku hatiye plankirin, berdewam bike heta ku Herêma Kurdistanê bibe xwedî hêzeke pispor a bihêz û perwerdekirî.

Di civînê de her wiha li ser peywendiyên navbera Herêma Kurdistanê û Bexdayê, biryarên Dadgeha Federalî û çend mijarên din nêrîn û raman hatin guftûgokirin.
PUKMEDIA