Darayiya Êraqê pişt bi Hejmarê Min nabeste

Kurdistan 01:12 PM - 2024-02-28

alayên Hikûmeta Herêm û Federal û wezareta Darayî

Wezareta Darayî ya Êraqê ji bo şandina mûçeyên meha Sibatê li benda lîsteya Hikûmeta Herêma Kurdistanê ye. Ji bo mûçeya meha Adarê jî hewl dide hesabê bankê veke. Endamê Lijneya Darayî ya Parlamentoya Êraqê got: Wezareta Darayî ya Êraqê ji bo çêkirina hejmara bankî ji bo mûçexwarênHerêmê pişt bi hejmara min nabeste.

Bo hejmara bankê mûçexwaran pişt bi bankên hikûmî dibeste

Endamê Komîteya Darayî ya Parlamentoya Êraqê Mistefa Xelîl Girawî ji malpera fermî ya Yekîtiya Niştimanî ya Kurdistanê (PUKMEDIA) re ragihand: Li gorî biryara Dadgeha Federalî, pêwîste mûçexwarên Herêmê li bankên hikûmî ser bi wezaretên darayî  hejmara elektronîk hebin, Her hesabên din ên ku di bankên taybet ên Herêma Kurdistanê de bên vekirin, li cem Wezareta Darayî ya Êraqê nayê pêbawerkirin.

Mistefa Xelîl Gerawî got: “Wezareta Darayî ya Êraqê dikare sud ji (hejmara min) werbigre, ku niha Hikûmeta Herêma Kurdistanê xerîkî vekirina hejmarê bo mûçexwaran re ye, lê wek hejmareke bawerpêkirew pişt pê nabestê.

Divê mûçeyên sê mehan li karmendan vegere

Divê Hewlêr û Bexda lihevkirineke jimêryarê di navbera xwe de bikin û mûçeyên 3 mehên sala borî yên Herêma Kurdistanê yên ku nehatine dabeşkirin, vegerînin.
 Mistefa Xelîl El-Gerawî amaje bi wê yekê jî kir ku: mûçeyên meha Sibatê dê li gor lîsteya fermanberên Wezareta Darayî ya Êraqê be û heta niha wezareta darayî hikûmeta Herêma Kurdistanê lîste neşandiye, lê ji bo mûçeyê meha Adarê divê hejmarê banka hikûmî hebe. Bi dîtina min ne zehmet e ku ew hesab were çêkirin divê di nava mehekê de ji bo mûçexwarên herêmê bên çêkirin.

Dabeşkirina mûçeya meha Azarê bi rêya hejmara bankî dibe

Wezareta Darayî ya Êraqê ji bo şandina mûçeyên meha Sibatê û vekirina hesabên bankî ji bo mûçeyên meha Adarê daxwaza lîsta hemû karmendên Herêma Kurdistanê kiriye.

Endama Lêjneya Darayî ya Parlamentoya Êraqê D.Nermîn Merûf ji PUKMEDIA re ragihand: Di hevdîtina me ya li gel wezîrê darayî yê Êraqê de wî tekez kir ku ew dê bi biryara Dadgeha Federalî tevbigerin û mûçeyên meha Sibatê yên karmendên Hikûmeta Herêma Kurdistanê bişînin, bi şertê ku Hikûmeta Herêma Kurdistanê lîsteya mûçeyên karmendan ji wan re bişîne.
Ji bo çareserkirina kêşeya mûçeyên herêmê, divê hemû karmendên mûçe li yek ji bankên dewleta Êraqê xwedî hejmar bin.


PUKMEDIA