Washington: Em ji binpêkirina azadiya çapemeniyê li Herêma Kurdistanê nîgeran in

PUKMEDIA

Konsulxaneya Amerîka li Hewlêrê

Amerîka nerihetiya xwe derbarê binpêkirinên li dijî azadiya rojnamevaniyê li Herêma Kurdistanê nîşan da û tekezî li ser piştevaniya xwe ji bo cîbicîkirina yasaya rojnamevaniyê û mafê wergirtina zanyariyan li herêmê kir.

Ev yek îro pêncşemê 29.02.2024ê li ser rûpela xwe ya fermî li ser tora civakî (Facebook) ji aliyê Konsulxaneya Giştî ya Amerîkayê li Hewlêrê ve hatiye belavkirin û PUKMEDIA jî wêneyek jê wergirt û şopand.
Konsulxaneya Amerîkayê di daxuyaniya xwe de ragihand: Em nerihetiya xwe ji bihîstina nûçeyên derbarê binpêkirinên vê dawiyê yên li dijî azadiya çapemeniyê, di nav wan de girtina rojnamevan û çalakvanan li bajarê Duhokê di heyama heftiya borî de û herwiha rêgirtina li ser rûmalkirina kanalên medyayî, nîşan didin ku serdana vê dawiyê ya Serokwezîr bo Helebceyê, ku xuya dike ku ji aliyê siyasî ve hatiye kirin.
Got jî: "Konsulxaneya Giştî ya Amerîkayê piştevaniya cîbicîkirina tam ya yasayên derbarê karê rojnamevanî û mafê bidestxistina zanyariyan li Herêma Kurdistanê dike û herwiha piştevaniya şiyanên azad û bêsînor ên rojnamevanan dike ji bo pêkanîna erkên xwe."


PUKMEDIA