Serok Bafil û Helbûsî: Li gorî destûr û peymanan dê astengî derbaz bikin

Daxuyaniya Serokê YNKê

Serok BafIl û Mihemed Helbûsî

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê bi Serokê Hevpeymaniya Teqadum Mihemed Helbûsî re civiya.

Di hevdîtinê de pêşhatên dawî yên siyasî yên li navçeyê hatin gotûbêjkirin û tekezî li ser berdewamiya têgihîştina di navbera hêz û aliyên siyasî de ji bo çareserkirina pirsgirêkan û serxistina proseya siyasî li welat hat kirin.

Serok Bafil:bidestxistina encameke erênî li ser îdarekirina Kerkûkê

Her wiha di civînê de tekezî li ser pabendbûna bi destûr û rêkeftinên siyasî ji bo derbaskirina astengan û bidestxistina encameke erênî li ser îdarekirina Kerkûkê û temamkirina rêkarên yasayî hate kirin, daku hemû hewldan di çarçoveya xizmetkirina Kerkûk û rûniştvanên wê de bê cudahî bin.

Serok Bafil: diyalog bo berjewendiyên bilind yê Gel

Serok Bafil Celal Talebanî tekezî li ser berdewamiya diyalogê û pêngavên bi berpirsyarî ji bo bidestxistina berjewendiyên bilind kir û daxwaz ji hemû aliyan kir ku ji bo berjewendiyên hevpar û bilind û hemû hewlên xizmetkirina gel û jiyaneke bi îstiqrar, nermiyê nîşan bidin.
PUKMEDIA