Şêx Cefer: Pêşmerge garantorê parastina destkeftên gelê kurd e

Buroya Çapemeniyê ya Cefer Şêx Mistefa

Cefer Şêx Mistefa li gel beşek ji hêzên Pêşmerge dicive

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê Şêx Cefer Şêx Mistefa got;"Firqeya duyemîn a hêzên Pêşmergeyên Kurdistanê û parçeyên bi vî rengî navika avakirina Artêşa Yekgirtû ya Kurdistanê ne û Pêşmerge garantiya parastina destkeftên gelê kurd e."

Di hevdîtinê de li gel Fermandarê Firqeya 2 ya Hêzên Pêşmergeyên Kurdistanê û hejmarek ji efserên pilebilind ên wê firqeyê ku li Silêmaniyê pêk hatiye, Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê ev  daxuyanî da.

Di hevdîtinê de, Şêx Cefer kar û erkên Firqeya 2 ku navika avakirina artêşa Pêşmergeyên Kurdistanê ye, bilind nirxand ,pîrozbahî û pesna birêvebirina kar û baran kir.

Di beşeke din ya civînê de Serokê Encûmena Parastina Berjewendiyên Bilind amaje bi giringiya hebûna hêzên Pêşmergeyên Kurdistanê ji bo Parastina xak, gel û destkeftên gelê Kurd û dabînkirina pêşeroja vî gelî bi xwerêxistinkirin, amadebûna berdewam û şopandina dîsîplîna leşkerî û rêbazên pêşketî yên zanistên leşkerî di hemû qonaxên pêkanîna erkê de kir.
PUKMEDIA