YNK û PSDK: pêwîstiya proseyeke paqij û dadmend ya hilbijartina

Nivîsgeha Ragihandinê ya Derbaz Kosret Resûl

Civîna YNK û PSDK

Şandeke Yekîtiya Niştimanî ya Kurdistanê (YNK) li Gula Xanê serdana Partiya Sosyalîst Demokrat a Kurdistanê (PDK) kir û ji aliyê Serokê wê  Mihemed Hacî Mehmûd ve hat pêşwazîkirin.

Şanda YNKê bi serokatiya endamê Mekteba Siyasî Derbaz Kosret Resûl Elî û beşdarbûna endamê Mekteba Siyasî Mîran Mihemed, her wiha endamên serkirdayetiyê Feysel Kerîm Xan, Salar Lala Serhed û Letîf Nêrweyî û berpirsê Malbenda Şarezorê Omer Hacî Ehmed  pêk dihatin û ji aliyê Mihemed Hacî Mehmûd serokê Partiya Sosyalîst Demokrat a Kurdistanê û şanda pê re hatin pêşwazîkirin.

Mihemed Hacî Mehmûd: Em ê pêkhateya herêmê biparêzin

Serokê Partiya Sosyalîst Demokrat a Kurdistanê (PDK) Mihemed Hacî Mehmûd piştî civînê di kongreyeke rojnamevanî de got:“Me bi YNK’ê re li ser parastina statuya herêmê û parastina rewatiya saziyên xwe yên destûrî li hev kir.’’

Her wiha got: ‘’Em dixwazin destkeftên xwe û dezgehên fermî yên Hikûmeta Herêma Kurdistanê biparêzin, bi taybetî ku niha Herêma Kurdistanê, Iraq û herêm di rewşeke nehevseng re derbas dibin.’’

Derbaz Kosret Resûl: Em Kurdistaneke bihêz dixwazin

Berpirsê Buroya Pêwendiyên YNKê Derbaz Kosret Resûl ragihand: “Piştî kongreya pêncemîn, YNKê bi dirûşma yekrêziya di navbera partiyan de ji bo Kurdistaneke bihêz serdana partiyên din ên Kurdistanê kiriye û serdana me bo Partiya Sosyalîst Demokrat a Kurdistanê (PDK) di vê çarçoveyê de ye.”

Wî zêde kir:“Di serdana xwe de me careke din piştevaniya Yekîtiya Niştimanî ya Kurdistanê (YNK) ji bo Serokê Partiya Sosyalîst Demokrat a Kurdistanê (PDK) tekez kir û weke hevpeyîmanê xwe dizanin.’’
Derbarê hilbijartinên bê yên parlamentoyê de jî, Berpirsê Buroya Pêwendiyên YNKê wiha got:Herçend ku em ber bi hilbijartinên parlamentoyê ve diçin, lê em bi yekrêziya rasteqîn bawer in û YNKê biryar daye ku bi lîsteyeke serbixwe beşdarî hilbijartinan bibe û li her cihê ku pêwîst be hevpeymaniyê pêkemê  bînin û got:’’ “Em alîgirê dabeşkirina kursiyên pêkhatana li ser herêman bûn, ne ku hemû kursiyên wan bên rakirin.’’

Li gor zaniyariyên PUKMEDIA ,di civînê de tekezî li ser jiyana hevbeş û xebata di çarçoveya rêxistinî de bi rêya diyaloga nûjen ji bo çareserkirina hemû pirsgirêkan hat kirin.Çareserkirina kêşeyan li gel Hikûmeta Federal a Iraqê û gotûbêjkirina mûçe û jiyana welatiyên Herêma Kurdistanê mijareke din e hevdîtinê bû.Her wiha di civînê de tekezî li ser birêveçûna proseyeke paqij û dadmend ya hilbijartinên Herêma Kurdistanê hate kirin ku biryar e 10-6-2024 birêve biçe.
PUKMEDIA