Dadgeha Federalî piştgirî dide tedbîra şandina mûçeyan

PUKMEDIA

Dadgeha Federal

Dadgeha Federalî ya Iraqê  ragihand ku Wezareta Darayî li gorî biryara Dadgeha Federalî dê mûçeyên karmendên Hikûmeta Herêma Kurdistanê bişîne.Li gorî tedbîrên darayî yên Iraqê, mercê şandina mûçeyên meha bê, çêkirina hesabên bankî li bankên federal ên Iraqê ye û Serokê Fraksiyona YNKê li Parlamentoya Iraqê jî got: “Biryarên Dadgeha Federalî diyarker in û divê hikûmeta Herêma Kurdistanê û hikûmeta Iraqê asankariyê li cîbicîkirina wan bikin.’’

Dadgeha Bilind a Iraqê îro Sêşemê bi daxuyaniyekê ragihand ku Wezareta Darayî ji bo cîbicîkirina biryara Dadgeha Bilind a Federalî ya roja 21.02.2024ê derbarê mûçeyên karmendên Hikûmeta Herêma Kurdistanê, xanenişînên sivîl û leşkerî, şehîdan, enfalkiriyan, girêbestan û sûdmendên tora civakî ye.’’

Dadgehê got: “Wezareta Darayî ya Iraqê biryar da ku mûçeyê meha duyem a karmendên Herêma Kurdistanê bide û şert û mercên Wezareta Darayî ya Iraqê li gorî biryara Dadgeha Federalî  ye,biryar daye mûçeyên meha bê bide.’’

Divê Herêma Kurdistanê û Iraq hevkariyê bikin

Serokê Fraksiyona YNKê li Parlamentoya Iraqê Harem Kemal Axa ji PUKMEDIA re ragihand: “Biryarên Dadgeha Federalî diyarker in, lê divê hikûmeta Herêma Kurdistanê û hikûmeta Iraqê hevkariyê bikin û asankariyê li cîbicîkirinê bikin.’’

Serokê Fraksiyona YNKê li Civata Nûneran got: "Biryara Dadgeha Federalî dûrxistina mûçeyên fermanberên Herêma Kurdistanê ye ji nakokiyên siyasî û niştimanîkirin û çareseriyeke bingehîn e ji bo vê pirsgirêkê ye."

Roja 11.03.2024, Wezareta Darayî ya Iraqê daxuyaniyek belav kir û tê de ragihand: “Li ser rênmaya serokwezîr û erêkirina Wezîrê Darayî Taif Samî, li ser nameya Dadgeha Federalî, Wezareta Darayî di çarçoveya bûdceyê de meha Sibatê Mûçeyên fermanberên Herêma Kurdistanê, ku têde mafên kêmendaman di tora parastina civakî de, xizmetguzarî û geşepêdana civakî, xanenişînên sivîl û leşkerî, mafên şehîdan û karûbarên Enfalê, girêbest û mafên ofîsên herêmê dihewîne."

Her wiha di wê nameyê de, Dadgeha Federalî hatiye agahdarkirin ku dest bi dayîna bûdceya mûçeyên meha Sibatê yên Herêma Kurdistanê bike, ku tenê di vê mehê de tê encamdan, ji ber ku mekanîzma aramkirina mûçeyan di bankan de pêwîstî bi demekê heye.

Wezareta Darayî di nameya xwe de ji Dadgeha Federal re wiha got:  “Piştî şert û mercên aramkirina mûçeyên karmendên Hikûmeta Herêma Kurdistanê û vekirina hesabên bankî li bankên federal ji aliyê herêmê ve, dê mûçeyê meha Adarê bê dayîn.’’Wezaretê got: “Hikûmeta Herêma Kurdistanê ji rastbûna agahî û daneyên ku ji me re tên dayîn berpirsyar e.’’

568 milyar dînar bo Herêma Kurdistanê hatiye şandin

Endamê Lijneya Darayî ya Parlamentoya Iraqê Soran Omer jî got;"Hikûmeta Bexdayê di çar lîsteyan de nêzîkî 568 milyar dînar derbasî hesabê Wezareta Darayî kiriye û navê wezaretên ku piştî kontrolkirina dayîna mûçeyan ji aliyê Wezareta Darayî ve hatine pesendkirin belav kiriye."

Wezareta Darayî ya Iraqê 568 milyar dînar ji bo dayîna mûçeyên meha Sibatê yên karmend, karmendên civakî, xanenişîn û xizmên şehîdan şandiye. Tê çaverêkirin ku Wezareta Darayî ya Hikûmeta Herêma Kurdistanê roja sêşemê 12-3-2024 lîsteya mûçeyên meha Sibatê eşkere bike.
PUKMEDIA