Radyo Dengê gelê Kurdistanê roleke girîng di serkeftina serhildanê de list

GK+

Rengîn Ebdullah û Letîf Nêrweyî

Îro Sêşemê 12-3-2024, di 33mîn salvegera serhildana gelê Kurdistanê de, Radio Dengê gelê Kurdistanê ji bo berpirsê desteya ragihandinê ya Yekîtiya Niştimanî ya Kurdistanê (YNK) Letîf Nêrweyî semînarek  saz kir û got:’’ “Rol û Peyama Radyo Dengê Gelê Kurdistanê di serkeftina Serhildanê de weke Nimûne ye.’’

Semînar  li hola Xak a bajarê Silêmaniyê hate lidarxistin û berpirsê desteya ragihandinê ya Yekîtiya Niştimanî ya Kurdistanê (YNK) Letîf Nêrweyî got:“Di şoreşa nû de çendîn radyo çêbûn, ya yekem Radyo Dengê gelê Kurdistanê bû ku ji radyoyên din cuda bû, ev radyo ya her Kurdekî bû û her kesî pê bawer bû.’’

"Radyoya Dengê Gelê Kurdistanê di destpêkê de li navçeyên sînorî bû, lê piştî sala 1983'an kete kûrahiya navçeyên rizgarkirî yên Kurdistanê û eniyên şer li  wan deveran hebû. Ev taybetmendî di radyoyên din de nebû.Nêrweyî got: "Radyo Dengê Gelê Kurdistanê li deverên herî azadkirî jî bû ku hêzên Pêşmergeyên Yekîtiya Niştimanî ya Kurdistanê (YNK) lê bicih bûn û roleke girîng di serkeftina serhildana mezin a sala 1991ê de hebû.’’

Her wiha got: ‘’Radyo Dengê gelê Kurdistanê herî zêde agahî, serkeftinên hêzên Pêşmerge û şikestinên dagîrker li vê Radyo  dihat weşand û welatiyan jî baweriya xwe bi Radyo dengê gelê Kurdistanê hebû.’’
PUKMEDIA