Saadî Pîra: Em ti lîsteyekê wek metirsî li ser YNKê nabînin

PUKMEDIA

Saadî Ehmed Pîre

Berdevkê Yekîtiya Niştimanî ya Kurdistanê (YNK) Saadî Ehmed Pîre ragihand:’’ YNK dê di dema diyarkirî de lîsta namzedên xwe yên ji bo hilbijartinên parlamentoya Kurdistanê pêşkêşî komîsyonê bike û em ti lîsteyekê wek metirsî li ser YNKê nabînin û pêkhat jî dê di lîsteyê de cih bigirin.’’

Mekteba Siyasî ya Yekîtiya Niştimanî ya Kurdistanê (YNK) îro ji bo diyarkirina kandîdên hilbijartinên bê yên Parlamentoya Kurdistanê civînek li dar xist bi Serokatiya  Serok Bafil Celal Talebanî .Do vê derbarê de  Berdevkê Yekîtiya Niştimanî ya Kurdistanê (YNK) Saadî Ehmed Pîra ragihand :’’Em îro bi boneya salvegera kîmyabarana Helebceyê sersaxiyê ji malbatên şehîdan re dixwazin û ji bo qurbaniyên kîmyabaranê jî saxlemiyê dixwazin û em ji hikûmeta Iraqê, Hikûmeta Herêma Kurdistanê û civaka niştimanî dixwazin ku navendeke tenduristiyê ji bo lêkolînên li ser av, ax, berhemên çandiniyê û zarokên nûbûyî li parêzgehê vekin.”

Her wiha got: ‘’YNK dê di dema xwe ya diyarkirî de lîsteya kandîdên helbijartinên parlamentoyê radestî komîsyonê bike û navên beşek ji namzedan jî hatine diyarkirin û di çend rojên bê de emê navên hemû berbijêran ragihînin.’’

Pîre got:“Em daxwaz dikin ku helmeta hilbijartinan ji zimanekî tund dernekeve, ji ber ku zimanê tund nebûye sedema serkeftina ti aliyekî û em ti lîsteyekê weke metirsî li ser YNKê nabînin.’’
Berdevkê YNKê got: “Beşek ji civînê ji bo gotûbêjkirina proseya hilbijartinan û diyarkirina navên berbijêran bû, di civîna bê ya Mekteba Siyasî de dê navên hemû berbijêrên hilbijartinan diyar bibin.’’

PUKMEDIA