Saziya Serok Celal Talebanî: Kîmyabarana Helebce nayê ji bîr kirin

PJTF

Bîrdariya Şehîdên Helebce

Saziya  Serok Celal Talebanî bi boneya 36emîn salvegera kîmyabarana Helebceyê peyamek belav kir û ragihand:’’Kîmyabarana Helebce birîneke kûr e li ser bedena hemû gelê Kurd û nayê ji bîr kirin. Kîmyabarana Helebce berdewamiya rêze tawanên dijminê Baisê yên ji bo qirkirina gelê Kurd e.’’

Di peyamê de wiha tê gotin: “Em bang li hikûmeta Iraqê dikin ku gavên pratîkî ji bo naskirina komkujiya Helebçeyê weke jenosîd li ser asta navdewletî bavêje û bi awayekî cidî lê binêre, weke erkê xwe yê yasayî, qerebûkirina malbatên şehîdan û qurbaniyên ku hêj sax in û dermankirina wan bi tevahî bê kirin û êdî neyê paşguhkirin.’’
Nivîsa peyamê
Komkujiya Helebçeyê ya 16ê Adara 1988an bi  kîmyabarana rejîma berê ya Iraqê pêk hat  û di encamê de 5 hezar kes hatin kuştin ku Sivîl û gelek birîndarên ku hê jî birînên ku nehatine dermankirin dikişînin.
Îro 36 saliya tawana hovane ya li Helebçeya Şehîdê serbilind derbas dibe û  em bi xemgîniyek mezin ew karesata mezin a ku li ser gelê Kurd hat kirin bi bîr tînin.

Kîmyabarana Helebce birîneke kûr e li ser bedena hemû gelê Kurd û nayê ji bîr kirin. Kîmyabarana Helebce berdewamiya rêze tawanên dijminê Baisê yên ji bo qirkirina gelê Kurd e.Divê hemû hêz, partî û pêkhateyên Kurdistanê ji bo bidestxistina mafên gelê Helebceyê bibin yek, divê em dûrî sloganan bibin û di çalakiyê de xizmeta Helebçeyê bikin.

Em bang li hikûmeta Iraqê dikin ku gavên pratîkî ji bo naskirina komkujiya Helebçeyê weke jenosîd li ser asta navdewletî bavêje û bi awayekî cidî lê binêre, weke erkê xwe yê yasayî, qerebûkirina malbatên şehîdan û qurbaniyên ku hêj sax in û dermankirina wan bi tevahî bê kirin û êdî neyê paşguhkirin.
Her çend ji bo ku Helebce bibe Parezgeh tê asteng kirin ji aliyê hin fraksiyonên parlamentoya Iraqê ve, lê ji aliyê din ve em tekezî li ser rewabûna parêzgariya Helebce dikin ku sembola qurbanîdan û şehîdbûna di destê dîktatoriya Beis de ye. Her çendî parêzgariya Helebceyê hin birînên Helebçeyê derman dike û xema wan hinekî sivik bike.

Nemirî û serbilindî bo ruhê  şehîdên Helebce û hemû şehîdên tevgera rizgarîxwaza gelê Kurd.

Balyoz Dr. Mihemed Sabir

Serokê Saziya  Serok Celal Talabanî

PUKMEDIA