Serokkomar: Divê Helebce bibe parêzgeheke Herêma Kurdistanê

Buroya Çapemeniyê ya Serokomariyê

Merasîma sersaxiyê ji bo qurbaniyên kîmyabarana Helebce

Di bin çavdêrî û amadebûna Dr. Letîf Reşîd Serokomarê Iraqê îro Şemiyê li Koşka Selam a Bexdayê bi boneya salvegera kîmyabarana Helebceyê ji aliyê rejîma berê ve, xulekek şînê saz kir.

Di vê merasimê de, Rawêjkarê Asayîşa Netewî Qasim El-Eracî, hejmarek ji endamên civata nûneran, serok û nûnerên nûneratiyên dîplomatîk ên Bexdayê, berpirsên bilind û karmendên serokkomar û Herêma Kurdistanê amade bûn.

Merasîm bi xwendina sûreya Fatîha ji bo ruhê pakê şehîdên Helebce û Iraqê dest pê kir, paşê Dr. Kamil Kerîm Dlêmî Serokê Dîwana Serokatiyê gotarek pêşkêş kir û tekez kir ku armanckirina welatiyên Helebce bi çekên kîmyayî Helebce, tawanek û kiryareke hovane, ku wijdanê zindî yê mirovatiyê hejand û cîhan ji reftarên zordar û xwînrêjî û kiryarên dîktatorî di bikaranîna yek ji hovtirîn çekên qedexekirî yên navdewletî de li dijî sivîlên Kurd agahdar  kir.

Dr.Dlêmî her wiha got: ‘’Berdewamiya avakirina ezmûna demokrasiyê di dewleteke federal de yek ji wan dersên herî girîng e ji bo nehiştina dubarekirin û vegerandina zulmê û rêzgirtin û pesnê qurbaniyan û malbatên wan in û bajarê Helebce wek semboleke niştimanî ye.’’

Serokê ofîsa Serokkomar tekîd li ser berdewamiya xebata dilsozane bo pêkanîna parêzgeha Helebceyê li Herêma Kurdistanê û pêşxistina xizmetguzariyan û dabînkirina pêdiviyên welatiyan di jiyaneke azad, bi rûmet û aştiyane de kir.
PUKMEDIA