Hikûmet ev 7 roj in mûçe rawestandiye û YNK jî daxwaza dabeşkirina mûçeyan dike

PUKMEDIA

Logoya YNKê

Wezareta Darayî ya Iraqê zêdetirî hefteyekê 568 milyar dînar wek mûçe ji Hikûmeta Herêma Kurdistanê re şand, lê Hikûmeta Herêma Kurdistanê dest danî ser wê û red kir ku ew mûçeyê dabeş bike. Tîmê wezîran a YNK'ê daxwaz kir, "Ew pereyê ku ji Bexdayê hatiye divê dest bi dabeşkirina wan mûçeyên karmendan bikin."

Berdevk: Em li gel dabeşkirina mûçe ne

Wek berê YNKê hewla çareserkirina pirsgirêka mûçeyên karmendan dide, niha jî daxwaz dike ew pereyê ku ji Bexda  bo  Hikûmeta Herêma Kurdistanê hatiye şandin , li ser xelq were dabeşkirin.
Berdevkê Yekîtiya Niştimanî ya Kurdistanê (YNK) Saadî Ehmed Pîre ji PUKMEDIA re ragihand: “YNK li gel dabeşkirina mûçeyan e û em daxwaz ji Hikûmeta Herêma Kurdistanê dikin ku ew pereyê ku ji bo mûçeyan hatiye dabeş bike.”

“YNK ji sala 2014’an ve hewl dide pirsgirêka mûçe çareser bike û ji bo vê yekê jî li ser asta herêmî û federalî hewl daye ku divê hikûmeta Herêma Kurdistanê mûçeyan li ser mûçexoran dabeş bike ji ber ku em di meha Remezanê de ne û welatî li benda mûçeyên xwe ne û pêwîstî  bi wan heye.”

Zêdeyî 45 roj in mûçe nehatine parve kirin

Li gor zanyariyên PUKMEDIA, Wezareta Darayî ya Hikûmeta Herêma Kurdistanê di 2-2-2024an de lîsteya mûçeyên meha Çile (Kanûna Duyem) ragihand ku di nava şeş rojan de mûçeyê hemû karmendan hatiye dabeşkirin, lê piştî 45 rojan heta niha mûçeyê meha Reşemî (Sibat) jî dest danîne ser pereyên ku Bexda bo mûçe şandibû.

Karmendên bi mûçe daxwaza dabeşkirina pereyên Iraqê dikin

Karmendên Hikûmeta Herêma Kurdistanê ev 2 roj in li  hîn ofîs û kargehan baykot kirine û daxwaza dabeşkirina pereyên ku ji Bexdayê ji wan re hatiye.

Hikûmeta Herêma Kurdistanê 10 sal in  mafên darayî yên fermanberên Herêma Kurdistanê binpê dike û mûçeyên wan di dema xwe de nedaye. Ji wê demê ve YNKê çendîn hewlên cidî ji bo çareserkirina pirsgirêka mûçe li ser asta partî û hikûmetê dane û li ser hewlên xwe berdewam in.
PUKMEDIA