Serok Komar û Serokwezîr: Xizmetên herî baş pêşkêşî welatiyan bikin

Ragihandina Serok Komar

Serok Komar û Serok Wezîran

 Serokomarê Êraqê Dr. Letîf Cemal Reşîd û serokwezîr Mihemed Şeyai Sûdanî serokê Encumena WeZîran çend mijarên girîng gotûbêj kirin.

Di hevdîtinê de rewşa siyasî, ewlekarî, aborî, jiyan û xizmetguzariya welat û peywendiyên Êraqê ligel welatên navçeyî û navdewletî û pêwendiyên di navbera hikûmeta federal û hikûmeta Herêma Kurdistanê de hatin gotûbêjkirin.

Di civînê de behsa giringiya hemahengiya hewlan bo piştevaniya hikûmetê di cîbicîkirina bernameya kar û pêşkêşkirina baştirîn xizmetguzariyan bo welatiyan hate kirin.
Herwiha tekezî li ser vegera penaberan bo malên xwe û temamkirina piroseya girtina hertimî ya kampan di heyama ku ji aliyê hikûmetê ve hatiye diyar kirin û berdewamkirina xebata hevbeş ji bo cîbicîkirina mafên destûrî kirin.

Her li vê hevdîtinê de behsa daxuyaniya dawî ya hevbeş a di navbera Komara Êraqê û Komara Tirkiyê û bandora wê ya erênî li ser xurtkirina peywendiyên dualî û bihêzkirina ewlehî û aramiya navçeyê hat kirin.


PUKMEDIA