Serokkomar: Iraq kar bo çêkirina du bendavan dike

Daxuyaniya Serokomariyê

Serokomar bi Balyozê Komara Îslamî ya Îranê re civiyan

Serokomar Dr.Letîf Cemal Reşîd pêşwaziya Balyozê Îranê yê li Iraqê Muhammed Kazim El Sadiq kir û got:  “Iraq kar dike ji bo çêkirina du bendavan ji bo rêkxistina bikaranîna baranê.’’

Ofîsa ragihandinê ya Serokomariya Iraqê di daxuyaniyekê de ragihand ku nusxeyek ji malpera fermî ya Yekîtiya Niştimanî ya Kurdistanê (PUKMEDIA) re hatiye şandin tê gotin:’’Di civîna roja Duşemê 25-3-2 li Koşka Selam a Bexdayê de, têkiliyên kûr ên di navbera Iraq û Îranê de hatin gotûbêjkirin û tekez li ser berfirekirin û pêşxistina wan peywendiyan di warê hevkariyên dualî de hat kirin.’’

Wî got: "Iraq li hêviya hevkariyên zêdetir û sûdwergirtina ji pisporî û ezmûnê ye, bi taybetî di warê çêkirina bendavan û birêvebirina avê de, her wiha kar berdewam e ji bo avakirina du bendavan ji bo sûdwergirtina ji baran û rêkxistina bikaranîna avê."

Serokkomar li ser meseleya Filistînê û pêdiviya bidawîkirina êrîşan  bal kişande ser pêwîstiya gihîştina bi çareseriyeke dawîn ji bo doza Filistînê ku xizmeta gelê Filistînê bike û pêgeha Komara Islamî ya Îranê li piştgirîkirina doza Filistînê û rûbirûbûna destdirêjkeran bilind nirxand.

PUKMEDIA