Serokkomar: Iraq di asayîşa navdewletî de roleke girîng dilîze

Buroya Çapemeniyê ya Serokomariyê

Civînên Serokkomar bi boneya Meha Remezanê

Serokkomarê Iraqê li Koşka Selam a Bexdayê pêşwaziya baliyoz  û nûnerên şandên dîplomatîk ên erebî û îslamî li Iraqê kir ,di xêrhatina balyozan de bi helkefta hatina meha Remezanê pîrozbahî li balyozan kir û hêviya serkeftinê û aramî û asayîş ji bo netewe û welatên wan xwest.

Serok her wiha pêzanînên xwe ji bo hewlên balyozan nîşan da ku ji bo bihêzkirina peywendiyan û pêşxistina rêyên hevkarî û hevahengiyê di navbera Iraq û welatên wan de ji bo bidestxistina berjewendî û xwestekên hevbeş bi gihandina Nêzîkbûna nêrînên welatên bira û dost ji hev re û hewlên wê ji bo pêkanîna ewlehî, aramî û aştiyê li ser asta navçeyî û navdewletî û herwiha piştgirîkirina avakirina pirojeyên hevbeş ên aborî û bazirganî ku sûdê li herêmê bike.

Serokkomar Cemal Reşîd got:‘’Iraq xwedî hawîrdoreke girîng a sermayerazandinê ye, di vê çarçoveyê de pêngavên hikûmetê yên ji bo piştgirîkirina sermayerazandinê û sektora taybet di derbarê pêşhatên li herêmê de û serokomar bal kişand ser pêwîstiya rawestandina êrişên li dijî Xezeyê û xebata ji bo rizgarkirina gelê Filistînê ku rûbirûyê herî xirab sûcên dijî mirovahiyê ne.’’

Wî her wiha bal kişand ser wê yekê ku heta mafên gelê Filistînê tam neyên dayîn û dewleta wan li ser axa xwe ava nebe ewlehî û aramiya navçê pêk nayê.

Ji aliyê xwe ve, balyozan piştegiriya  welatên xwe ji hewlên Iraqê re bo pêkanîna ewlehî û aramiya navxwe û rola wê ya giring li navçeyê nîşan dan û tekez li ser xwesteka welatên xwe ji bo bihêzkirina peywendiyan û hevkariyê ligel Iraqê di warên cuda de kirin.

PUKMEDIA