Berdevkê YNKê: Me xwe û lîsteya namzedan amade kiriye

YNK 01:34 PM - 2024-03-28

Saidî Pîre

 Yekîtiya Niştimanî ya Kurdistanêblîsteya xwe ya namzedên hilbijartinên bê yên parlamentoyê amade kiriye û Saidî Pîra jî dibêje: Em li benda roja hilbijartinan in.

Yekîtî: 6 rojin navên namzedan amade ye

Berdevkê Yekîtiya Niştimaniya Kurdistanê Saidî Ehmed Pîre ji PUKMEDIA re ragihand: "Navê namzedên me yên ji bo hilbijartinên parlamentoya Kurdistanê 6 roj in amade ne û her 4 bazneyan dê ji komîsyonê re bên şandin.

Pîra got: Serokê lîsteyan dê ji aliyê serokê YNKê Bafil Celal Talebanî ve bên destnîşankirin û dê serpereştiya hemû kampînên li bazneyan jî bike.

%30 namzedên YNKê jin in

Saidî Ehmed Pîre derbarê destnîşankirin jin di lîsteya yekîtî de dibêje: Li gorî yasayê destnîşankirina jinê di lîdteyê de bûye 30% ku li ser bazneyan hatine dabeşkirin.
Her wiha got: Em ji bo hilbijartinên parlamentoya Kurdistanê amade ne û em li benda roja hilbijartinê ne.

Roja Pêncşemê 28ê Adara 2024ê, dawîtirîn dema pêşkêşkirina namzedan û lîsteyên hevpeymanan bo hilbijartinên Parlamentoya Kurdistanê bû, lê Komîsyona Bilind a Serbixwe ya Hilbijartinan 3 rojên din, heta 31ê Adarê, hat dirêjkirin.

Hikûmeta Herêma Kurdistanê ragihand, li gorî biryarnameya Hikûmeta Herêma Kurdistanê, hilbijartinên Parlamentoya Kurdistanê di 10ê Hezîrana 2024an de tên lidarxistin.


PUKMEDIA