Letîf Nêrweyî: Serdana Serok Bafel girîng û hestiyar bû

PUKMEDIA

Letîf Nêrweyî

Serokê desteya Ragihandinê ya Yekîtiya Niştimanî ya Kurdistanê (YNK) ragihand ku serdan û hevdîtinê  Serok Bafil Celal Talebanî  Serokê Yekîtiya Niştimanî ya Kurdistanê bo Rûsyayê di demeke hestiyar û girîng de ye û  peyameke watedare .

Serokê Desteya Ragihandinê ya Yekîtiya Niştimanî ya Kurdistanê (YNK) Letîf Nêrweyî ragihand ku Serok Bafil Celal Talebanî weke serkirdeyekî payebilind ê Kurdistan û Iraqê hatiye pêşwazîkirin li Russiya û wiha got: “Serok Bafil ji ber rol , pêgeh û giraniya YNKê wek partiyeke sereke li Kurdistana Iraqê û berçavgirtina siyasetên aqilane yên YNKê li herêmê, çawaniya çareserkirina pirsgirêkên di navbera Herêma Kurdistanê û Bexdayê de, wek serkirdeyekî payebilind ê Kurdistan û Iraqê hat pêşwazîkirin .”

Her wiha got: “Herwiha bi berçavgirtina rola YNKê ji bo nêrîn û têgihiştina wê li ser mijarên curbicur ên navçeyê, ji ber wê jî em dikarin bibêjin ku serdana Serok Bafil di demeke hestiyar de serdan, hevdîtin û peyameke girîng bû.’’

Serokê Yekîtiya Niştimanî ya Kurdistanê (YNK) Bafil Celal Talebanî Pêncşemê gihîşte Moskovayê û bi Wezîrê Derve yê Rûsyayê Sergey Lavrov civiya ,her wiha bi Nûnerê Taybet ê Serokê Rûsyayê yê ji bo Karûbarên Rojhilata Navîn û Efrîqayê Mîxaîl Bogdanov û Cîgirê Wezîrê Derve yê Rûsyayê re jî hevdîtin kir.

PUKMEDIA