Mekteba Siyasî YNKê dicive li ser pirsa Hilbijartinan

PUKMEDIA

Logoya Yekîtiya Niştimanî ya Kurdistanê

Sêşeme 2-4-2024, Mekteba Siyasî ya Yekîtiya Niştimanî ya Kurdistanê wê li ser pirsa hilbijartinan û amadekariyên proseyê li gorî dema xwe û çend mijarên din bicive.

Mekteba Siyasî dê çend mijarên girîng gotûbêj bike

Berpirsê Buroya Hilbijartinan a Yekîtiya Niştimanî ya Kurdistanê (YNK) Rizgar Hacî Hema ji PUKMEDIA re ragihand: “YNK li gel wê yekê ye ku hilbijartinên parlementoyê di roja 6 Hezîranê ku ji aliyê Serokê Herêma Kurdistanê ve hatiye diyar kirin de were lidarxistin. Mekteba Siyasî ya Yekîtiya Niştimanî ya Kurdistanê wê li ser pirsa hilbijartinan û amadekariyên proseyê li gorî dema xwe û çend mijarên din îro bicive.’’

Rizgar Hacî Hema got: "Di civînê de amadekariyên hilbijartinên parlamentoya Kurdistanê yên li gorî dema diyarkirî, îmkan û pêşhatên li ser vê mijarê û çend mijarên girîng ên rewşa navxweyî ya Herêma Kurdistanê û Iraqê dê bên gotûbêjkirin."

Her wiha got: YNKê hemû amadekariyên xwe kirine û ne li gel paşxistina hilbijartinan e û em jî dixwazin hemû aliyên siyasî yên din beşdarî hilbijartinan bibin.’’

Yekîtiya Niştimanî ya Kurdistanê (YNK) bi fermî lîsteya namzedên xwe yên li çar herêmên (Silêmanî, Hewlêr, Duhok û Helebce) radestî Komîsyona Bilind a Serbixwe ya Hilbijartinan a Iraqê kir.
PUKMEDIA