Amerîka: Hilbijartin dê statuya herêmê biparêze

PUKMEDIA

Dara Xeylanî û Pamela J. Hack

Berpirsê Pêwendiyên Derve: YNK li ser lidarxistina hilbijartinan bi israr e
Yekîtiya Niştimanî ya Kurdistanê (YNK) tekîd dike ku hilbijartinên Parlamentoya Kurdistanê di dema xwe de pêwîste bên kirin û Cîgirê Konsulê Giştî yê Amerîkayê li Herêma Kurdistanê jî ragihand ku hilbijartinên Parlamentoya Herêma Kurdistanê pêwîste di dema xwe ya diyarkirî de dê bên kirin û got:  “Amerîka piştgiriya lidarxistina hilbijartinên Herêma Kurdistanê dike.’’

Endamê Serkirdayetiya Yekîtiya Niştimanî ya Kurdistanê (YNK) û Berpirsê Pêwendiyên Derve yê Yekîtiya Niştimanî ya Kurdistanê (YNK) Dara Xeylanî li Baregeha  Polîtburoya Siyasî îro  li Hewlêrê pêşwaziya Pamela J. Hack Cîgira Konsulê Giştî yê Amerîka li Herêma Kurdistanê kir û di civînê de pêşhatên dawî yên Herêma Kurdistanê û amadekariyên hilbijartinên Parlamentoya Kurdistanê gotûbêj kirin.

Dara Xeylanî helwesta Yekîtiya Niştimanî ya Kurdistanê (YNK) eşkere kir û got:"YNK'ê îsrara xwe li ser lidarxistina hilbijartinên paqij û adilane dike di roja ku serokê Heremê  diyar kiriye de amade ye. Em li gel paşxistina hilbijartinan nînin û em dixwazin hemû hêz û aliyên siyasî beşdarî hilbijartinan bibin."

Xeylanî got: “Her wiha helbijartin daxwaza gelê Kurd e ku hikûmet û parlamentoyek ku bê cudahî nûnertiya hemû gelê Kurd bike.’’

Di bersivê de cîgira konsulê giştî yê Amerîkayê li Herêma Kurdistanê Pamela J. Hack ragihand: “Amerîka piştgiriya  hilbijartinên azad, şefaf û dadperwerane li Herêma Kurdistanê dike û ji bo xizmetkirina xelkê û parastina saziya herêmê, pêvajoyeke girîng dibîne.’’

PUKMEDIA