Nêrweyî: Divê em ji xeletiyên berê dersê wergirin

PUKMEDIA

Letîf Nêrweyî

Yekîtiya Niştimanî ya Kurdistanê (YNK) ragihand ku ew ê di dema xwe de hilbijartinan pêk bînin û Endamê Serkirdatiya Yekîtiya Niştimanî ya Kurdistanê (YNK) got:“Ji bo hilbijartinan divê em ji xeletiyên berê dersê bigirin û encamên referandûmê li ber çavan bigirin.’’

Endamê Serkirdayetî û Berpirsê Desteya Ragihandina Yekîtiya Niştimanî ya Kurdistanê (YNK) Letîf Nêrweyî di paneleke bi navê (Pêşeroja peywendiyên Kurdistan-Bexda û mafên gel) ku li Silêmaniyê birêve çû, got:“Eger aliyan li ser mijarên girîng bi hev re biryar bidana, rewşa herêmê qet wiha nedibû û peywendiyên hikûmetê li gel Bexdayê baştir dibûn.”

“Me gelek derfet ji dest dane ku alî bi hev re kar bikin, lê dîktatoriyê kirîz kûrtir kir û alî zêdetir dûr xist û peywendiyên li gel Bexdayê lawaz kir, ji ber wê jî divê em ji xeletiyên xwe yên berê dersê wergirin û pêkhateya herêmê bihêz bihêlin.” got.

“Pirsa hilbijartinên Herêma Kurdistanê dişibihe pirsa referandomê, ji ber ku hemû dost û hevalbendên me ji me re gotin referandomê nekin, lê ew paşguh kirin her hat encamdan û di dawiyê de li ser ziyana gelê me şikest  û niha jî  ji me re dibêjin li hundir û derve hilbijartinan pêk bînin, ger em guh nedin wan, emê weke referandûmê zirarê bidin gel û pêkhateya herêmê."

PUKMEDIA