Talebanî: Ji bo çareserkirina pirsgirêkên darayî gavên baş hatine avêtin

Buroya Çapemeniyê ya Qubad Talebanî

Qubad Talabanî û Jenine Plaschardt

Cîgirê Serokwezîr Qubad Talebanî pêşwaziya Nûnera Taybet a Sekreterê Giştî yê Neteweyên Yekbûyî li Iraqê Jennifer Plaschardt kir û di wê hevdîtinê de pirsa civîna bê ya hilbijartinên Parlamentoya Herêma Kurdistanê û pêwendiyên Herêma Kurdistanê û Bexdayê gotûbêj kirin.

Di civîna roja Çarşemê (03.04.2024) li Hewlêrê de, Talebanî pesna hewlên Jennifer Plaschardt ji bo çareserkirina pirsgirêkan û nêzîkkirina nêrînên aliyên siyasî yên Kurdistan û Iraqê û diyar kir ku wan hewlan bandor li ser aramiya Iraqê kiriye û gelek aloziyên siyasî kêm kirine.

Di derbarê pirsa civîna bê ya hilbijartinên parlamentoya Kurdistanê de jî, Cîgirê Serokwezîr tekez li ser lidarxistina hilbijartineke paqij û dadmend li gorî dema xwe kir.

Her du alî li ser giringiya berdewambûna gotûbêjan ji bo çareserkirina bingehîn a hemû pirsgirêkan hemfikir bûn, bi taybet pirsgirêkên darayî, ku niha gavên baş di vî warî de hatine avêtin.

PUKMEDIA