Rejimê ji Balîsanê dest bi êrîşên kîmyewî li ser kurdan kir

PUKMEDIA

Gorên qurbaniyên Enfalê

Di 16’ê Nîsana 2024’an de, di salvegera 37’an a êrîşa kîmyayî ya li ser Balîsan û Şêx Wasanê de, ku yekem car li dijî gelê Kurd hat bikaranîn, 263 sivîlên bêguneh hatin qetilkirin û 620 kes jî birîndar bûn.

Beriya 37 salan rejîma Baas a faşîst bêyî guhdana qanûnên navneteweyî li ber çavê hemû welatên cîhanê, ku bû belgeya bêexlaqiya siyaseta navneteweyî, sûcê herî mezin li dijî sivîlan li Geliyê Balîsan û gundên Xoşnewtî pêk anî.

Piştî êrîşa leşkerî bo ser xelkê û hêzên Pêşmergeyên Kurdistanê bi 12 firokeyên şerker siyaniyên Şêx Wasenan û Geliyê Balîsan bombebaran kirin û bo yekem car çekên kîmyayî yên qedexeya navdewletî li dijî Şoreşger û niştecihên Kurd bikar anîn.

Di encama bombebarana çekên kîmyewî yên rejîma Baasê de 263 sivîlên bêguneh hatin kuştin, 620 kes jî birîndar bûn û 72 leheng jî winda bûn.
Roja kîmyabarana herêmên Şêx Wasan û Balîsan ku ji aliyê rejîma Baas ve hat kirin, weke roja jîngeha Kurdistanê hat ragihandin û her sal di vê rojê de gelek çalakiyên jîngehparêzî tên lidarxistin.

PUKMEDIA